गुजरातमध्ये ब्रिजचे दोन तुकडे, अनेक वाहने नदीत पडली, ३ जणांचा मृत्यू, अंगावर काटा आणणारा व्हिडिओ

Gujarat’s Gambhira Bridge collapsed Viral Video : मुसळधार पावसामुळे गुजरातमध्ये ब्रिजचे दोन तुकडे झाले अन् अनेक वाहने नदीत कोसळली. या दुर्घटनेत आतापर्यंत तीन जणांचा मृत्यू झाल्याचे वृत्त आहे. घटनास्थळावरील व्हिडिओ पाहाता मृताची संख्या वाढण्याची शक्यता आहे. पूल कोसळल्याची माहिती मिळताच बचावपथक आणि पोलिसांनी घटनास्थळी धाव घेतली आहे. सध्या बचावकार्य सुरू आहे. किती वाहने खाली पडली, किती लोक नदीत पडले आहेत, याबाबत अधिकृत माहिती समोर आलेली नाही. रिपोर्ट्सनुसार, चार वाहने नदीत पडली आहेत, त्यामध्ये ट्रक आणि कारचाही समावेश आहे.

आणंद आणि वडोदरा या दोन जिल्ह्यांना जोडणारा गंभीरा पूल बुधवारी सकाळी अचानक कोसळला. पूलावरून वाहने जात असताना ही दुर्घटना घडली, त्यामुळे अनेक वाहने नदीत कोसळली. या अपघातात तीन जणांचा मृत्यू झाला. अनेक वाहने नदीत कोसळल्याने मोठ्या जीवितहानीची भीती आहे. सरकारी अधिकाऱ्यांकडून तातडीने बचावकार्य सुरू करण्यात आले आहे. त्याशइवाय वाहतुकीसाठी पर्यायी व्यवस्था करण्यात येत आहे.

गंभीरा ब्रिजमध्येच तुटून दुर्घटना झाल्याचे समजताच बचावपथकाने तात्काळ धाव घेतली. या अपघातात तीन जणांचा मृत्यू झाला आहे. मिळालेल्या माहितीनुसार, ब्रिज तुटल्यामुळे नदीत चार वाहने पडली आहेत. बचावपथकाने आतापर्यंत चार जणांना वाचवले आहे. नदीमध्ये इतरांचा शोध घेतला जात आहेत. बचावकार्य अद्याप सुरू आहे.

पोलिसांनी काय सांगितले ?

पोलिसांनी सांगितले की, गुजरातमधील वडोदरा जिल्ह्यात बुधवारी सकाळी एका पुलाचा काही भाग कोसळल्याने किमान चार वाहने नदीत कोसळली. पडारा पोलिस निरीक्षक विजय चरण यांनी सांगितले की, आतापर्यंत चार जणांना वाचवण्यात यश आले आहे, बचावकार्य अजूनही सुरूच आहे. स्थानिक अधिकाऱ्यांनी सांगितले की, राज्य महामार्गालगत महिसागर नदीवर असलेला गंभीरा पूल सकाळी साडेसात वाजण्याच्या सुमारास कोसळला. यामुळे चार वाहने नदीत कोसळली. दोन ट्रक आणि दोन व्हॅनसह अनेक वाहने नदीत पडली. आतापर्यंत आम्ही चार जणांना वाचवले आहे.