थाटामाटात लग्न केलं, हनिमूनच्या काही तासाआधीच नवऱ्याचा मृत्यू; नववधूचं संसार थाटण्याचं स्वप्न अपूर्ण राहिलं

उत्तर प्रदेश अमरोहा जिल्ह्यातून धक्कादायक घटना समोर आली आहे. अमरोहा जिल्ह्यात लग्नानंतर हनिमूनच्या काही तासाआधीच नवऱ्याचा मृत्यू झाल्याची घटना घडली. नवऱ्याच्या मृत्यूनंतर लग्न घरातील आनंदी वातावरण क्षणात दु:खात बदललं.

नवरदेवाच्या छातीत रविवारी सकाळी ४ वाजता दुखू लागले. त्यानंतर त्याला रुग्णालयात दाखल केले. मात्र, नवरदेवाला डॉक्टरांनी मृत घोषित केले. नवऱ्याच्या मृत्यूने त्याच्या बायकोला मोठा धक्का बसला आहे.

मिळालेल्या माहितीनुसार, अमरोहा येथील मोहल्ला नौगज येथे परवेज आलम उर्फ गुड्डू (४२) राहत होता. त्याच्यासोबत दोघे भाऊ पप्पू आणि मरहून असलम देखील घरात सोबत राहत होते. परवेजच्या आई-वडिलांचा आधीच मृत्यू झाला आहे. परवेज उर्फ गुड्डू याचं जामा मशि‍दच्या रोडवर पुस्तकांचं दुकान आहे. परवेजचे दोघे भाऊन दुकानात काम करतात.

आई-वडिलांच्या निधनामुळे परवेजला लग्न करण्यास उशीर झाला. परवेजचं लग्न मोहम्मद अहमद कादरी यांची मुलगी सायमा कादरी (३३) हिच्याशी झालं. शनिवारी सायंकाळी परवेजचे कुटुंबीय वरात घेऊन सायमाच्या हॉलमध्ये पोहोचले. शनिवारी दोघांचं लग्न झालं. त्यानंतर रविवारी याच हॉलमध्ये परवेज आणि सायमा यांच्या वलिमा (रिसेप्शन) याचा कार्यक्रम होता.

बँक्वेट हॉलमध्ये शनिवारी पाहुण्याचा पाहुणचार झाला. निकाह देखील वाचण्यात आला. त्यानंतर रात्री एक वाजता परवेजने बायको सायमाला घरी आणलं. परवेजचं लग्न झाल्यामुळे कुटुंबात आनंदाचं वातावरण होतं. दुसऱ्या दिवशी दोघांचा वलिमाचा कार्यक्रम होता.

परवेजला अचानक रविवारी सकाळी ४ वाजता छातीत दुखू लागलं. त्यामुळे परवेजला तातडीने रुग्णालयात दाखल केलं. रुग्णालयात दाखल केल्यानंतर डॉक्टरांनी परवेजला मृत घोषित केले. परवेजच्या मृत्यूने त्याच्या जोडीदाराचं संसार थाटण्याचं स्वप्न अपूर्ण राहिलं आहे. परवेजच्या मृत्यूने आनंदी कुटुंबावर दु:खाचा डोंगर कोसळला आहे.