जर्मनीतील रीडलिंगनजवळ ट्रेन रुळावरून घसरल्याची घटना घडली.
रेल्वे अपघातात ३ प्रवाशांचा मृत्यू झाला आहे. तर काही जण जखमी झाले आहेत.
मुसळधार पाऊस आणि भूस्खलनामुळे अपघात झाल्याचे बोलले जात आहे.
जर्मनीमध्ये पँसेंजर ट्रेन रुळावरून घसरून ३ जणांचा मृत्यू झाल्याची घटना घडली आहे. तर काही जण जखमी झाले आहेत. जर्मनीच्या रेल्वे अधिकाऱ्यांनी याबाबत माहिती दिली आहे. म्यूनिखपासून १५८ किलोमीटर अंतरावर असललेल्या रीडलिंगनजवळ ही दुर्घटना घडली आहे. या अपघाताच्या कारणाचा शोध घेतला जात आहे.
रिपोर्टनुसार, ट्रेन अपघातात नेमके किती जण जखमी झाले आहेत, याची अधिकृत माहिती समोर आलेली नाही. जर्मनीतील वेळेनुसार, सायंकाळी ६ वाजून १० मिनिटाला जंगलातून जाताना ट्रेनचे दोन डबे रुळावरून घसरले. या ट्रेनमध्ये १०० जण होते.
बाडेन वुर्टेनबर्ग राज्याचे गृहमंत्री थॉमस स्ट्रोबल यांनी म्हटलं की,'या भागात भरपूर पाऊस झाला. त्यामुळे ट्रेनचा अपघात झाल्याची शक्यता व्यक्त केली जात आहे. मुसळधार पाऊस आणि भुस्खलनामुळे देखील अपघात झाल्याचं टाळता येणार नाही. या प्रकरणाचा तपास सुरु करण्यात आला आहे'.
जर्मनचे चांन्सलर फ्रेडरिक मर्ज यांनी सोशल मीडिया 'एक्स'वर पोस्ट करत घटनेवर शोक व्यक्त केला. जर्मनीची रेल्वेची संचालन कंपनी डॉयचे बान यांच्याकडून देखील घटनेतील पीडितांविषयी संवेदना व्यक्त केली आहे.
जर्मनीत नेमका कुठे ट्रेन अपघात झालाय?
म्यूनिखपासून १५८ किमी अंतरावर रीडलिंगनजवळ अपघात झालाय.
रेल्वे अपघातात किती लोकांचा मृत्यू झाला आहे?
रेल्वे दुर्घटनेत ३ प्रवाशांचा मृत्यू झाला आहे.
पँसेजर ट्रेनमध्ये किती प्रवासी होते?
ट्रेनमध्ये सुमारे १०० प्रवासी होते.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.