Devisingh Shekhawat Passed Away: माजी राष्ट्रपती प्रतिभाताई पाटील यांच्या पतीचे निधन

सकाळी 9:30 मिनिटांनी त्यांनी अखेरचा श्वास घेतला.
Devisingh Shekhawat - Prathibhatai Patil
Devisingh Shekhawat - Prathibhatai PatilSaam TV

Devisingh Shekhawat News: अमरावती येथून एक दु:खद बातमी समोर आली आहे. माजी आमदार देवीसिंह शेखावत यांचं पुण्यात निधन झालं आहे. सकाळी 9:30 मिनिटांनी त्यांनी अखेरचा श्वास घेतला. देवीसिंग शेखावत भारताच्या प्रथम महिला राष्ट्रपती प्रतिभाताई पाटील यांचे पती होते.

देवीसिंग शेखावत गेल्या दोन दिवसांपासून आजरी होते. त्यांना हृदयविकाराचा झटका आला होता. त्यामुळे पुण्यात केईएम रुग्णालयात त्यांच्यावर उपचार सुरू होते. मात्र त्यांची प्रकृती अधिक खालावत चालली होती. वयाच्या ८९ व्या वर्षी त्यांची प्राणज्योत मालवली. आज (शुक्रवारी) सायंकाळी 6 वाजता पुण्यात त्यांच्यावर अंत्यसंस्कार होणार आहेत.

Devisingh Shekhawat - Prathibhatai Patil
Maharashtra Politics : जयंत पाटलांचा गौप्यस्फोट मग स्पष्टीकरण; पहाटेचा शपथविधी, राष्ट्रपती राजवट अन् पवारांची खेळी...

शेखावत यांनी राजकारणातही आपले पाय रोवले होते. त्यांनी काही काळ आमदार म्हणूनही काम पाहिलं आहे. 7 जुलै 1965 रोजी प्रतिभा पाटील यांच्यासोबत देवीसिंह शेखावत यांचा विवाह झाला होता. भारतीय राष्ट्रीय काँग्रेसचे सदस्य होते. तसेच अमरावती शहराचे ते पहिले महापौर होते.

Devisingh Shekhawat - Prathibhatai Patil
Maharashtra Politics : '...तर राज्यात काही काळासाठी राष्ट्रपती राजवट लागू शकते; कायदेतज्ञ असीम सरोदे असे का म्हणाले ?

साल 1995च्या विधानसभा निवडणुकीत देवीसिंह शेखावत त्यांना मोठा पराभव पत्करावा लागला होता. निवडणुकीत त्यांचं डिपॉझिट जप्त करण्यात आलं होतं. सुरुवातीच्या काळात देवीसिंह शेखावत यांनी रसायन शास्त्राचे प्राध्यापक म्हणून काम पाहिलं होतं. 1972मध्ये मुंबई विद्यापीठाने त्यांना पीएचडी दिली होती. विद्या भारती शिक्षण संस्थेचे कामकाज देखील शेखावत पाहत होते. त्यांच्या राजकारणाची सुरुवात काँग्रेसमधून झाली.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com