Uttar Pradesh Firing : आरोपींना पकडण्यासाठी गेलेल्या पोलिसांवर गोळीबार; एक कॉन्स्टेबल जखमी

Uttar Pradesh Firing News :

उत्तर प्रदेशातून मोठं वृत्त हाती येत आहे. उत्तर प्रदेशच्या फर्रुखाबादमध्ये आरोपींच्या मुसक्या आवळण्यासाठी गेलेल्या पोलिसांवर गोळीबार झाल्याची धक्कादायक घटना घडली आहे. आरोपींनी घेराव घालून पोलिसांच्या पथकाला घेरून गोळीबार सुरु केला. या घटनेत सुदैवाने पोलिसांना काही झालं नाही. मात्र, या घटनेत एक पोलीस कॉन्स्टेबल जखमी झाला आहे. (Latest Marathi News)

मीडिया रिपोर्टनुसार, उत्तर प्रदेशात आरोपींना पकडणे पोलिसांच्या जीवावर बेतण्याची परिस्थिती निर्माण झाली होती. पोलिसांवर गोळीबार करणाऱ्या दोघांच्या मुसक्या आवळण्यास पोलिसांना यश आलं आहे. तर एक पळण्यास यशस्वी ठरला.

आर्म्स अॅक्टनुसार आरोपी विनोदला पकडण्यासाठी पोलिसांनी शुक्रवारी रात्री सिरसा गावात छापा टाकला. पोलिसांनी छापा टाकूनही विनोदला पळण्यास यशस्वी ठरला.

पोलिसांनी गावात छापा टाकल्यानंतर गावातील दोन आरोपींनी पोलिसांवर गोळीबार सुरु केला. आरोपींच्या गोळीबारानंतर पोलिसांनी माघार घेतली. या गोळीबारात पोलीस कॉन्स्टेबल जखमी झाला. मात्र, पोलिसांनी मोठं धाडस करत या दोघांच्या मुसक्या आवळल्या.

अप्पर पोलीस अधीक्षक डॉ. संजय कुमार यांच्या नेतृत्वात पोलिसांनी विशेष अभियान चालवलं. तिघांनी पोलिसांवर गोळीबार केला. त्यातील एकाला पळून जाण्यास यश मिळालं. तर दोघांच्या मुसक्या आवळल्या. घटनास्थळावरून पळून गेलेल्या आरोपीचा शोध घेण्यास पोलिसांनी सुरु केलं आहे.

नागपुरात पोलिसावर हल्ला

नागपुरात गुन्हेगारीच्या घटनेत वाढ झाली आहे. नागपुरात चक्क सहाय्यक पोलीस आयुक्तांच्या वाहनचालकावर कुऱ्हाडीने हल्ला केल्याची धक्कादायक घटना घडली आहे.

या हल्लात पोलीस कर्मचारी सहाय्यक आयुक्तांचे वाहनचालक प्रफुल जगदेवराव धर्माळे हे जखमी झाले आहेत. पोलीस स्टेशनच्या आवारातच ही घटना घडली आहे. आरोपीने लोखंडी कुऱ्हाडीने प्रफुल धर्माळे यांच्यावर वार केले. या घटनेनंतर प्रफुल धर्माळे यांना रुग्णालयात दाखल करण्यात आलं असून त्यांच्यावर उपचार सुरु आहेत.