Yavatmal Crime News : शासनाची फसवणूक केल्याप्रकरणी छत्रपती संभाजीनगरमधील चौघांवर यवतमाळमध्ये गुन्हा दाखल

- संजय राठाेड

Yavatmal :

शासनाची फसवणूक केल्याप्रकरणी यवतमाळ जिल्ह्यात छत्रपती संभाजीनगर येथील चौघांवर गुन्हा दाखल झाला आहे. पाेलिसांनी दिलेल्या माहितीनूसार पंढरीनाथ घुगे, जयदीप घुगे, अरमदीप घुगे आणि प्रदीप घुगे (सर्व राहणार कुशलनगर, छत्रपती संभाजीनगर (chhatrapati sambhajinagar) अशी गुन्हा दाखल केलेल्यांची नावे आहेत. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पाेलिसांकडून मिळालेल्या माहितीनूसार बेंबळा मुख्य कालवा मातीकाम व बांधकामाच्या निविदेत कंत्राटदार कंपनीने पूर्वअर्हता कागदपत्र सोबत एकूण दोन बनावट कार्यपूर्ण व पूर्व अनुभव प्रमाणपत्र तयार करून शासनाची फसवणूक केल्याची तक्रार एसीबीने दिली. त्यानूसार अवधूतवाडी पाेलिसांनी कार्यवाही केली.

हा प्रकार 26 डिसेंबर 2006 ते सात सप्टेंबर 2011 या कालावधीत घडला आहे. याप्रकरणी लाच लुचपत प्रतिबंधक विभागाच्या वतीने अवधूतवाडी पोलिस ठाण्यात घुगे अँड कंपनीच्या भागीदारांबाबत तक्रार दिली. (Maharashtra News)

त्यानूसार घुगे अँड कंपनीच्या पंढरीनाथ घुगे, जयदीप घुगे, अरमदीप घुगे आणि प्रदीप घुगे (सर्व राहणार कुशलनगर, छत्रपती संभाजीनगर) यांच्यावर अवधूतवाडी पोलिस ठाण्यात गुन्हा दाखल करण्यात आला आहे.

Edited By : Siddharth Latkar