Arvind Kejriwal ED Notice: ईडीने अरविंद केजरीवाल यांना पाठवलं तिसरे समन्स, 3 जानेवारीला हजार राहण्याचे निर्देश

Arvind Kejriwal ED Notice:

अंमलबजावणी संचालनालयाने (ED) दिल्लीचे मुख्यमंत्री आणि आम आदमी पक्षाचे (AAP) प्रमुख अरविंद केजरीवाल यांना चौकशीसाठी तिसरे समन्स पाठवले आहे. दिल्ली दारू धोरणाशी संबंधित मनी लॉन्ड्रिंग प्रकरणात ईडीने त्यांना 3 जानेवारीला हजर राहण्यास सांगितले आहे.

यातच सध्या मुख्यमंत्री केजरीवाल विपश्यनेसाठी पंजाबच्या होशियारपूरमध्ये आहेत. येथे केजरीवाल 10 दिवस साधनेत राहणार आहेत.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

याआधी ईडीने 19 डिसेंबर रोजी दिल्लीचे मुख्यमंत्री केजरीवाल यांना समन्स पाठवले होते आणि 21 डिसेंबर रोजी त्यांना चौकशीसाठी बोलावले होते. मात्र चौकशीच्या एक दिवस आधी म्हणजेच 20 डिसेंबरला केजरीवाल 10 दिवसांची सुट्टी घेऊन विपश्यना केंद्रात गेले.  (Latest Marathi News)

तर ईडीने यापूर्वी 30 ऑक्टोबर रोजी दारू धोरण प्रकरणी चौकशीसाठी पहिले समन्स पाठवले होते आणि अरविंद केजरीवाल यांना 2 नोव्हेंबर रोजी चौकशीसाठी बोलावले होते. मात्र तरीही ते ईडीच्या मुख्यालयात गेले नाहीत.

लेखी उत्तर पाठवून त्यांनी ईडीच्या समन्सवर प्रश्न उपस्थित केले होते आणि ते राजकीय हेतूने प्रेरित असल्याचे म्हटले होते. या प्रकरणी ईडीने यापूर्वीच माजी उपमुख्यमंत्री मनीष सिसोदिया आणि राज्यसभा खासदार संजय सिंह यांना अटक केली आहे.