ED Raid : ईडीने धाड टाकली, आमदार भिंतीवरून उडी मारून पळाला

ED Arrest TMC MLA : शाळांमध्ये शिक्षक आणि कर्मचाऱ्यांच्या भरतीतील कथित अनियमिततेच्या चौकशीसंदर्भात ईडीने तृणमूल काँग्रेसचे आमदार जीवन कृष्णा साहा यांना अटक केले आहे. भरती घोटाळ्याच्या चौकशीसंदर्भात छापे टाकल्याने ईडीनेही कारवाई केली. पश्चिम बंगालच्या मुर्शिदाबाद जिल्ह्यातील निवासस्थानाची झडती घेतल्यानंतर केंद्रीय तपास यंत्रणेने साहा यांना ताब्यात घेतले.

सूत्रांनी दिलेल्या माहितीनुसार, छापेमारी सुरु असताना आमदार जीवन कृष्णा साहा यांनी भिंतीवरुन पळून जाण्याचा प्रयत्न केला. साहा यांनी त्यांचे फोन घरामागील नाल्यात फेकून दिले. उरलेले फोन अधिकाऱ्यांनी जप्त केले. छाप्याच्या व्हिडीओ आणि फोटोंमध्ये आमदार भिजलेल्या अवस्थेत असल्याचे पाहायला मिळाले.

भिंतीवरुन उडी मारण्याच्या प्रयत्नात आमदार जीवन कृष्णा साहा खाली पडले. घाण, कचऱ्याच्या ढिगाऱ्याच्या जवळून ईडी आणि केंद्रीय राखीव पोलीस दलाचे अधिकारी साहा यांना घेऊन गेले. एजन्सीला सहकार्य न केल्याबद्दल मनी लाँडरिंग प्रतिबंधक कायद्यांच्या अंतर्गत अटक करण्यात आली आहे. साहा यांच्या काही नातेवाईकांच्या आणि सहकाऱ्यांच्या जागांवरही छापे टाकण्यात आले.

२०२३ मध्ये केंद्रीय अन्वेषण बुरोने घोटाळ्यात सहभागी असल्याच्या आरोपांखाली साहा यांनी अटक केली होती. काही काळानंतर त्यांची सुटका करण्यात आली. ईडीचा मनी लाँड्रिंग खटला हा सीबीआयने नोंदवलेल्या त्या एफआयआरवर आधारित आहे, ज्यात कोलकाता उच्च न्यायालयाने गट 'क' आणि 'ड' कर्मचारी तसेच इयत्ता ९वी ते १२ वीचे सहाय्यक शिक्षक आणि प्राथमिक शिक्षकांच्या भरतीतील कथित गैरव्यवहारांची चौकशी करण्याचे आदेश दिले होते.