Arvind Kejriwal: दिल्ली उच्च न्यायालयाकडून केजरीवाल यांना झटका; ३ एप्रिलला होणार सुनावणी

Arvind Kejriwal Petition Hearing News:

दिल्ली उच्च न्यायालायाने मद्यविक्री धोरण प्रकरणी मुख्यमंत्री अरविंद केजरीवाल यांना दिलासा दिला नाहीये. केजरीवाल यांनी त्यांच्या अटकेच्या निर्णयाला दिल्ली उच्च न्यायालयात आव्हान दिले होतें, परंतु न्यायालयाने त्यांना कोणताही दिलासा दिलेला नाहीये. या प्रकरणाची पुढील सुनावणी आता ३ एप्रिल रोजी होणार आहे. न्यायालयाने ईडीला २ एप्रिलपर्यंत उत्तर दाखल करण्यास सांगितले आहे. केजरीवाल यांची ईडी कोठडी २८ मार्च रोजी संपत आहे. (Latest News)

मिळालेल्या माहितीनुसार, ईडी गुरुवारी केजरीवाल यांना राऊस एव्हेन्यू कोर्टात हजर करणार आहे. त्याचवेळी केजरीवाल यांना मुख्यमंत्रीपदावरून हटवण्याची मागणी करणाऱ्या जनहित याचिकेवर गुरुवारी दिल्ली उच्च न्यायालयात सुनावणी होणार आहे.