Delhi Election 2025 Memes : दिल्ली भाजपची, आपचा पत्ता कट; निवडणूक निकालानंतर मीम्सचा महापूर, बघून खळखळून हसाल

Delhi Election Result Memes : दिल्ली विधानसभा निवडणुकीमध्ये भारतीय जनता पार्टीचा मोठा विजय झाला आहे. दिल्ली विधानसभेच्या एकूण ७० जागांपैकी ३९ जागा जिंकल्या आहेत. तर सलग तीन वेळा सत्ता स्थापन करणाऱ्या आम आदमी पार्टीने फक्त १७ जागांवर विजय मिळवला आहे. दिल्ली विधानसभा निवडणुकीचे निकाल सध्या सोशल मीडियावर ट्रेंडमध्ये आहेत. या निकालावरुन सोशल मीडियावर असंख्य मीम्स व्हायरल होत आहेत.

निवडणूक आयोगाच्या वेबसाईटनुसार, भाजपने जवळपास ४८ जागा मिळवल्या आहेत. तर आपने २२ जागांवर वर्चस्व टिकवले आहे. दिल्लीचे माजी मुख्यमंत्री आणि आम आदमी पार्टीचे संयोजक अरविंद केजरीवाल यांचा नवी दिल्ली मतदार संघात पराभव झाला आहे. केजरीवाल यांच्यासह आपच्या अनेक बड्या नेत्यांना पराभवाला सामोरे जावे लागले आहे.

दिल्ली विधानसभा निवडणुकीत भाजप वि. आप वि. काँग्रेस अशी तिरंगी लढत होती. या लढतीत भारतीय जनता पक्षाने बाजी मारल्याचे स्पष्ट झाले आहे. २०१३ पासून दिल्लीत आपची सत्ता होती. आम आदमी पक्षाचा दिल्लीचा प्रमुख गड भाजपकडे गेला आहे. दुसऱ्या बाजूला दिल्लीत काँग्रेसचा सुपडासाफ झाला आहे.

मतदान झाल्यानंतर एक्झिट पोलनुसार, आपची सत्ता जाणार अशी शक्यता वर्तवण्यात आली होती. आता एक्झिट पोलची माहिती खरी ठरल्याचे स्पष्ट झाले आहे. या निकालादरम्यान एक्स, फेसबुक, इन्स्टाग्राम या सोशल मीडियावर अनेक राजकीय मीम्स पोस्ट होत आहेत.