Shocking : गर्लफ्रेंडसोबत हॉटेलवर गेला; पॉवर वाढवणाऱ्या गोळ्या खाल्ल्या अन् अचानक मृत्यू; नेमकं काय घडलं?

Delhi 56 Years Old Man Dies By Heart Attack दिल्लीत एका हॉटेलमध्ये ५६ वर्षीय व्यक्तीचा हॉटेलमध्ये संशयास्पद मृत्यू झाल्याची घटना घडली आहे. धक्कादायक म्हणजे पोलिसांच्या प्राथमिक अंदाजानुसार, शक्तिवर्धक गोळ्या खाल्ल्याने हा मृत्यू झाला आहे. सदर घटना गुरुग्राममध्ये घडली असून या प्रकरणी पोलीस तपास सुरु आहे. या घटनेने परिसरात खळबळ उडाली आहे.

मिळालेल्या माहितीनुसार, गुरुग्राम येथील बस स्टँडजवळील एका हॉटेलमध्ये आपल्या प्रेयसीसोबत राहणाऱ्या ५६ वर्षीय व्यक्तीचा बुधवारी संशयास्पद परिस्थितीत मृतदेह आढळला. घटनास्थळी पोलिसांना कार्यक्षमता वाढवणाऱ्या औषधांचे रिकामे रॅपर सापडले. त्यामुळे पोलिसांना गोळ्यांचा ओव्हरडोस झाल्याचा संशय आहे. तथापि, पोस्टमॉर्टम रिपोर्टमध्ये मृत्यूचे कारण हृदयविकाराचा झटका असल्याचे नमूद करण्यात आले आहे.

पोलिसांनी दिलेल्या माहितीनुसार, मृत व्यक्ती हरियाणातील सोहना जवळील एका गावातील रहिवासी होता आणि तो एका कंपनीत ड्रायव्हर म्हणून काम करत होता. बुधवारी तो त्याच्या गर्लफ्रेंडसोबत गुरुग्राम बस स्टँडजवळील एका हॉटेलमध्ये थांबला होता. महिलेच्या म्हणण्यानुसार, त्या व्यक्तीला अचानक खोलीत तीव्र छातीत दुखू लागले. तिने ताबडतोब रुग्णवाहिका बोलावली आणि त्याला जवळच्या खाजगी रुग्णालयात नेण्यात आले, जिथे डॉक्टरांनी त्याला मृत घोषित केले.

गुरुवारी प्राथमिक पोस्टमॉर्टेम अहवालात मृत्यूचे कारण हृदयविकाराचा झटका असल्याचे म्हटले आहे. पोलीस तपासात खोलीत सापडलेल्या शक्तिवर्धक औषधांच्या रॅपरवरून असे दिसून येते की, त्या व्यक्तीने डॉक्टरांच्या सल्ल्याशिवाय कार्यक्षमता वाढवणारी औषधे घेतली होती. या औषधांमुळे संबंधित व्यक्तीच्या त्याच्या हृदयावर परिणाम होऊन हृदयविकाराचा झटका आला.