Pakistan News : ती रडली, हातापाया पडली, एका 'ड्रेस'मुळे लोकांनी पतीसमोरच महिलेला घेरलं; पाकिस्तानातील चीड आणणारा VIDEO

Pakistan Viral Video :

पाकिस्तानातील बिघडलेल्या सामाजिक स्थितीबाबत रोज काहीना काही बातम्या बाहेर येत असतात. अशाच एका घटनेचा व्हिडीओ सध्या सोशल मीडियावर व्हायरल होत आहे. एका महिलेने अरबी प्रिंट असलेला कुर्ता घातला म्हणून हॉटेलमध्येच नागरिकांनी घेरलं. मॉब लिचिंगसारखी परिस्थिती तिथे निर्माण झाली होती. एका वरिष्ठ महिला अधिकाऱ्याने घटनास्थळी येत परिस्थिती हाताळून महिलेला गर्दीतून सुखरुप बाहेर काढलं आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मिळालेल्या माहितीनुसार, लाहोरमधील ही घटना आहे. एक महिला आचरा बाजारातील एका हॉटेलमध्ये जेवण करण्यासाठी आली होती. तिने घातलेल्या कुर्त्यावर अरबी भाषेत काहीतरी लिहिलं होतं. कुराणातील आयत लिहिलं असल्याचा लोकांचा समज झाला. त्यानंतर तिथे जमलेल्या गर्दीने महिलेला अर्वाच्च भाषेत जाब विचारला. लोक महिलेच्या अंगावर धावून जात होते. महिला आणि तिचा पती लोकांची गर्दी पाहून घाबरले असल्याच व्हिडीओत दिसत आहेत. (Latest Marathi News)

महिला पोलीस अधिकाऱ्याची कौतुकास्पद कामगिरी

काही लोकांना याबाबत पोलिसांना माहिती दिली. त्यानंतर काही वेळातच पोलीस तेथे दाखल झाले. एएसपी सय्यदा शहाराबानो नक्वी यांनी घटनास्थळी येत संतापलेल्या गर्दीला नियंत्रणात आणलं. सय्यदा यांनी मोठ्या हिमतीने महिलेला गर्दीतून बाहेर काढून पोलीस ठाण्यात आणले. महिला पोलीस अधिकाऱ्याने दाखवलेल्या शौर्याबद्दल पंजाब पोलिसांनी तिला मानाच्या कायद-ए-आजम पुरस्काराने सन्मानित केलं.

महिलेने चुकी नसताना मागितली माफी

चूक नसतानाही महिलेने घडलेल्या प्रकाराबद्दल माफी मागितली आहे. 'मला कुर्ता आवडला म्हणून मी तो विकत घेतला. लोक असा विचार करतील असं वाटलं नव्हतं. कुराणचा अपमान करण्याचा माझा कोणताही हेतू नव्हता. या घटनेबद्दल मी माफी मागतो', असं महिलेने म्हटलं आहे.