Delhi News: देशावर असलेले कोरोनाचे (Corona) सावट आणखी गडद होत चालले आहे. कोरोनाचा (Corona Virus) वेग वाढतच चालला असून रुग्णांची संख्या देखील झपाट्याने वाढत आहे. रोज कोरोना रुग्णांची धडकी भरवणारी आकडेवारी समोर येत आहे. गेल्या 24 तासांत देशामध्ये 12 हजारांपेक्षा जास्त रुग्णांची नोंद झाली आहे. कोरोनाची वाढती रुग्णसंख्या (Corona Patient) लक्षात घेता सरकारसोबतच सर्वांच्या चिंतेत वाढ झाली आहे.
केंद्रीय आरोग्य मंत्रालयाने जारी केलेल्या नवीन आकडेवारीनुसार, देशामध्ये गेल्या 24 तासांत कोरोनाची लागण झालेले 12,193 नवे रुग्ण आढळले आहेत. या नव्या रुग्णांसह देशातील सक्रिय कोरोना रुग्णांची संख्या 67,556 वर पोहोचली आहे. तर गेल्या 24 तासांत 42 कोरोना रुग्णांचा मृत्यू झाला आहे. यासह देशात आतापर्यंत 5,31,300 रुग्णांचा कोरोनामुळे मृत्यू झाला आहे. महत्वाचे म्हणजे गेल्या 24 तासांत 10,765 रुग्णांनी कोरोनावर मात केली आहे.
आरोग्य मंत्रालयाच्या आकडेवारीनुसार, 24 तासांमध्ये मृत्यू झालेल्या रुग्णांमधील 10 रुग्ण हे एकट्या केरळमधील आहेत. देशामध्ये गुरुवारी 11,692 नवीन कोरोना रुग्णांची नोंद झाली होती. गुरुवारची आकडेवारी लक्षात घेता शुक्रवारची कोरोना रुग्णांची आकडेवारी ही किंचित जास्त आहे. गेल्या काही दिवसांची आकडेवारी पाहता रुग्णसंख्या कमी न होता वाढतच चालल्याचे चित्र पाहायला मिळत आहे.
यावर्षी 19 एप्रिलला सर्वाधिक 12, 591 कोरोना रुग्ण आढळले होते. गेल्या तीन-चार दिवसांपासून संसर्गाच्या रुग्णांमध्ये घट झाली होती. पण 18 एप्रिलला 10,542, 17 एप्रिलला 7,633, 16 एप्रिलला 9,111, 15 एप्रिलला 10,093 आणि 14 एप्रिलला 10,753 कोरोना रुग्णांची नोंद झाली होती.
गेल्या 24 तासांत संसर्ग झालेल्यांपैकी 7,500 रुग्णांची आकडेवारी ही फक्त पाच राज्यांतील आहेत. यामध्ये केरळ, दिल्ली, महाराष्ट्र आणि उत्तर प्रदेश या राज्यांचा समावेश आहे. केरळमध्ये गेल्या 24 तासांत 2,413 नवीन रुग्ण आढळले आहेत. तर 3,013 रुग्णांनी कोरोनावर मात केली. तर 13 जणांचा मृत्यू झाला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
