चीनमधील कोळसा खाणीत झालेल्या भीषण गॅस स्फोटात आतापर्यंत 90 जणांचा मृत्यू झाला आहे. ही घटना उत्तर चीनमधील शांक्सी येथे घडली असून हा स्फोट शुक्रवारी संध्याकाळी 7 वाजून 29 मिनिटांनी झाला. दुर्घटनेच्या वेळी 247 कामगार कंपनीमध्ये काम करत होते. सुरुवातीला 8 जणांचा मृत्यू झाल्याची माहिती समोर होती, मात्र आता मृतांचा आकडा मोठ्या प्रमाणात वाढला असून सदर ठिकाणी मृतांच्या कुटुंबाचा आक्रोश पाहायला मिळत आहे.
बचावकार्यादरम्यान आज सकाळपर्यंत 201 जणांना सुखरूप बाहेर काढण्यात आले आहे. तर 38 जण अजूनही खाणीमध्ये अडकलेले आहेत. खाणीत अडकलेल्या मजुरांपैकी काही मंजुरांची प्रकृती चिंताजनक असल्याचे बोलले जात आहे. चीनचे राष्ट्राध्यक्ष शी जिनपिंग यांनी या दुर्घटनेबाबत चिंता व्यक्त केली आहे. तसेच त्यांनी बचावकार्य अधिक गतीने आणि मोठ्या प्रमाणात राबवण्याचे निर्देश दिले आहेत. तसेच जखमीवर तातडीने उपचार सुरू असून बचाव मोहीम राबवली जात आहे. या घटनेला जे कोणी जबाबदार असेल त्यांच्यावर कडक कारवाई करण्यात येईल असेही त्यांनी स्पष्ट केले आहे.
चीनमधील तुलनेने गरीब प्रांतांपैकी एक असलेला शांक्सी हा देशाचा कोळसा उत्पादनाचा प्रमुख केंद्र म्हणून ओळखला जातो. गेल्या काही दशकांत खाण सुरक्षेत सुधारणा झाली असली तरी, सुरक्षा नियमांकडे दुर्लक्ष आणि अपुरी अंमलबजावणी यामुळे अशा अपघातांच्या घटना अजूनही घडत असतात. या प्रांताची लोकसंख्या सुमारे 3 कोटी 40 लाख आहे. गेल्या वर्षी येथे लाखो कामगारांनी सुमारे 1.3 अब्ज टन कोळसा उत्पादन केले, जे चीनच्या एकूण कोळसा उत्पादनाच्या जवळपास एक तृतीयांश आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.