दादरमधील स्टार मॉलला भीषण आग; अग्निशमन दलाचं बचावकार्य सुरू|VIDEO

मुंबईतील दादर परिसरातील स्टार मॉल मध्ये आज दुपारी अचानक आग लागल्याची घटना घडली आहे. आग लागल्याचं समजताच परिसरात एकच गोंधळ उडाला. तत्काळ अग्निशमनदलाच्या तब्बल 10 गाड्या घटनास्थळी दाखल झाल्या असून, अग्निशमन दलाकडून आगीवर नियंत्रण मिळवण्याचे प्रयत्न सुरू आहेत. सुरक्षेच्या दृष्टीने मॉलमधील सर्व नागरिकांना बाहेर काढण्यात आलं आहे. बचावकार्य सुलभ व्हावं यासाठी अग्निशमन दलाने मॉलच्या काचा फोडून आत प्रवेश केला आहे. सुदैवाने अद्याप कोणतीही जीवितहानी झाल्याची माहिती समोर आलेली नाही. आगीचं नेमकं कारण अद्याप स्पष्ट झालेलं नसून, मिळालेल्या माहितीनुसार शॉर्टसर्किटमुळे आग लागल्याची शक्यता वर्तवली जात आहे. घटनास्थळी पोलिस आणि अग्निशमनदलाचा ताफा तैनात असून,परिस्थितीवर नियंत्रण मिळवण्यासाठी प्रयत्न सुरू आहेत.