रायपूर : छत्तीसगडच्या दुर्गमध्ये तीन साधूंना मारहाण झाल्याचा धक्कादायक व्हिडिओ (Viral Video) समोर आला आहे. मुलं चोरीच्या अफवेतून या साधूंना बेदम मारहाण करण्यात आल्याचे सांगण्यात येत आहे.
सोशल मीडियावर (Social Media) अफवा पसरल्यानंतर तीन साधूंना जमावाने बेदम मारहाण केली आहे. या घटनेचा व्हिडीओ मोठ्या प्रमाणात व्हायरल होत असून, त्यात पोलिसांनी कारवाईचा वेग वाढवला आहे. याप्रकरणी एफआयआर दाखल करण्यात आला आहे. आरोपींवर कठोर कारवाई केली जाईल, असे जिल्ह्याचे पोलीस अधीक्षक यांनी सांगितलं आहे.
संपूर्ण प्रकरण दुर्गमधील भिलाई-3 पोलीस ठाण्याच्या हद्दीतील आहे, जिथे 3 साधूंवर हल्ला करण्यात आला. मूल चोरीच्या संशयावरून गावातील लोकांनी मारहाण केली. दुर्ग जिल्ह्याचे पोलिस अधीक्षक अभिषेक पल्लव यांनी या घटनेला दुजोरा दिला आहे. त्यांनी सांगितले की, भिलाई-३ पोलीस स्टेशन हद्दीतील चारोडा गावात, गावकऱ्यांनी मुलाच्या चोरीच्या अफवेवरून साधूंच्या वेशातील तीन जणांना बेदम मारहाण केली. (Latest Marathi News)
रस्ता चुकल्याने साधूंवर प्रसंग ओढावला
काही कारणास्तव तिन्ही साधू रस्ता चुकले आणि भिलाई 3 च्या चारोडा बस्तीमध्ये पोहोचले. स्थानिक लोकांनी त्यांना थांबवून चौकशी केली, मात्र चौकशीदरम्यान तिन्ही साधूंना बेदम मारहाण केली गेली. मारहाणीत तीनही साधू रस्तबंबाळ झाले. पोलिसांना घटनेची माहिती मिळताच त्यांनी कारवाई सुरू केली.
मुलं चोरीच्या अफवा पसरवल्यानंतर या तीन साधूंना लोकांनी मारहाण केली. याप्रकरणी अज्ञात लोकांविरुद्ध एफआयआर दाखल करण्यात आला आहे. व्हिडिओच्या आधारे चौकशी सुरू आहे. पोलीस अधीक्षकांनी सांगितलं की, सर्व साधूंना किरकोळ जखमा झाल्या असून प्राथमिक उपचारानंतर त्यांना रुग्णालयातून सोडण्यात आले आहे. सोबतच नागरिकांना अफवांवर विश्वास ठेऊ नका आणि कायदा हातात घेऊ नका, असं आवाहन दुर्ग पोलिसांनी केलं आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.