भरत मोहोळकर, साम टीव्ही प्रतिनिधी
नवी दिल्ली : सातत्याने जुन्या पेन्शन योजनेची मागणी करणाऱ्या सरकारी नोकरदारांना केंद्र सरकार मोठा दिलासा देण्याच्या तयारीत आहे. कर्मचाऱ्यांच्या मूळ वेतनाच्या 50 टक्के पेन्शन देण्यासंदर्भात हालचाली सुरु झाल्यात. अर्थसंकल्पात याविषयी घोषणा केली जाणार असल्याची माहिती सूत्रांनी दिलीय. मात्र या पेन्शन योजनेत नेमकं काय असणार आहे? पाहूयात.
कर्मचाऱ्यांच्या मूळ वेतनाच्या 50% रक्कम पेन्शन मिळणार
60 हजार निवृत्तीवेतन असल्यास 30 हजार पेन्शन
2004 नंतर रुजू झालेल्या कर्मचाऱ्यांनाही पेन्शनचा मार्ग खुला होणार
87 लाखांपेक्षा अधिक कर्मचा-यांना फायदा होणार
2004 नंतर लागू झालेल्या कर्मचाऱ्यांना नवी पेन्शन योजना लागू करण्यात आली होती. या योजनेत कर्मचाऱ्याच्या पगारातून 10 टक्के रक्कम कापली जात होती. त्यात सरकार 14 टक्के रक्कम जमा करत होते. यानंतर कर्मचाऱ्यांना निवृत्तीवेतन दिलं जात होतं. मात्र यावर कर्मचाऱ्यांनी आक्षेप घेत पेन्शनचा मुद्दा तापवला होता. तर याच मुद्द्याचा फटका कर्नाटक आणि हिमाचल प्रदेशच्या निवडणूकीत सरकारला बसला होता.
जुन्या पेन्शन योजनेत 50% पेन्शनची हमी
जुनी पेन्शन योजनेत कर्मचाऱ्यांच्या पती/पत्नीलाही पेन्शन
महागाई वाढली तर महागाई भत्त्याची तरतूद
ही योजना सरकारी तिजोरीवर आधारीत
नवीन पेन्शन योजनेत पेन्शनची पक्की हमी नाही
कर्मचाऱ्यांच्या पगारातून 10 आणि सरकारच्या 14% NPSमध्ये गुंतवणूक
जुन्या आणि नव्या पेन्शन योजनेत तफावत
महागाईनुसार भत्त्यात वाढ होण्याची तरतूद नाही
ही योजना बाजारावर आधारित आहे.
याच जुन्या पेन्शनवरून देशभरात संघटना आक्रमक झाल्या होत्या. त्याचा निवडणूकीत फटका बसल्यानंतर सरकारने यावर तोडगा काढण्यासाठी वित्त आयोगाच्या सचिवांच्या अध्यक्षतेखाली समिती स्थापन केली होती. या समितीनं दिलेल्या प्रस्तावावर निर्णय घेऊन अर्थसंकल्पात घोषणा केली जाण्याची शक्यता आहे. त्यामुळे जुनी पेन्शन योजना लागू झाली तर हा नोकरदारांसाठी मोठा दिलासा असणार आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
