Central Government Bonus: केंद्रीय कर्मचाऱ्यांना दिवळीचं गिफ्ट, महिन्याच्या पगाराइतका मिळणार बोनस, वाचा पात्रता अन् अटी?

सरकारी कर्मचाऱ्यांसाठी आनंदाची बातमी आहे. सरकारी कर्मचाऱ्यांसाठी आता बोनसची घोषणा करण्यात आली आहे. मोदी सरकारने प्रोडक्टिव्हिटी (उत्पादकता) संबंधित बोनसची घोषणा केली आहे. अर्थ मंत्रालयाने याबाबत सोमवारी घोषणा केली. त्यांनी सोमावारी यासंदर्भात आदेश जारी केले

केंद्र सरकारच्या गट क आणि गट ब कर्मचाऱ्यांना ३० दिवसांच्या पगाराएवढा बोनस मिळणार आहे. ही रक्कम ६,९०८ रुपये निश्चित करण्यात आला आहे. हा बोनस ३१ मार्च २०२५ पर्यंत सेवेत असलेल्या कर्मचाऱ्यांना आणि ६ महिने सतत काम करणाऱ्या कर्मचाऱ्यांना दिला जाणार आहे. जर तुम्ही संपूर्ण वर्षभर काम केले तर त्यांना महिन्यांच्या आधारावर बोनस मिळणार आहे. तुम्हाला उत्पादकता संबंधित ३० दिवसांच्या पगाराएवढा अॅड हॉक बोनस मिळणार आहे.

लाभ कोणाला मिळणार?

बोनस ३१ मार्च २०२५ पर्यंत काम करणाऱ्या कर्मचाऱ्यांना आणि किमान सलग ६ महिने काम करणाऱ्या कर्मचाऱ्यांना दिला जाईल.

एखाद्याने जर वर्षभर काम केले तर त्याला त्याच्या प्रोडक्टिव्हिटी म्हणजे (काम केलेल्या महिन्यानुसार) बोनस दिला जाईल.

केंद्रीय निमलष्करी दल आणि सशस्त्र दलातील पात्र कर्मचाऱ्यांनाही बोनस मिळणार

केंद्रशासित प्रदेशातील केंद्र सरकारच्या वेतन रचनेवर जे कर्मचारी काम करतात त्यांनादेखील बोनल मिळेल.

सेवेत कोणताही ब्रेक न घेता काम करणाऱ्या अॅड हॉक कर्मचाऱ्यांनाही लाभ मिळणार आहे.

गेल्या तीन वर्षात ठरावीक दिवस काम केलेल्या कर्मचाऱ्यांनाही बोल मिळणार आहे. हा बोनल १,१८४ रुपये निश्चित करण्यात आला आहे.

बोनस कसा मोजला जाणार?

तुमच्या कमाल पगारावर ७००० रुपयांवर हा बोनस दिला जाईल.

७०००x३०÷३०.४= ६,९०७.७९ रुपये तुम्हाला मिळणार आहेत. याचा फाया लाखो केंद्रीय कर्मचाऱ्यांना आणि सुरक्षा दलाच्या कर्मचाऱ्याना होणार आहे. यामुळे यंदा केंद्रीय कर्मचाऱ्यांची दिवाळी गोड होणार आहे.