लग्नाच्या पहिल्या रात्री नव्या नवरीच्या पायाखालची जमीन सरकली; नवऱ्याचं 'टॉप सिक्रेट' उघड झाल्याने संसारात मिठाचा खडा

उत्तर प्रदेशच्या कानपूरमधून खळबळजनक घटना समोर आली आहे. नव्या नवरीने लग्नाच्या पहिल्याच रात्री नवरा नपुंसक असल्याचा दावा केला. त्यानंतर महिलेने सासरच्या मंडळीवर घरातून बाहेर काढण्याचाही आरोप केला. हुंडा न दिल्याने घरातून हाकलून दिल्याचा आरोप नव्या नवरीने केला. या प्रकरणात पीडित महिलेने पोलिसांत तक्रार नोंदवली. त्यानंतर पोलिसांनी पुढील तपासाला सुरुवात केली आहे.

उत्तर प्रदेशच्या चकेरीमध्ये राहणाऱ्या तरुणीचं १ मे २०२५ रोजी सीसामऊ क्षेत्रात राहणाऱ्या तरुणाशी लग्न झालं. लग्नाच्या रात्री म्हणजे मधुचंद्राच्या दिवशी नवरा नपुंसक असल्याचे नवरीला कळालं. यानंतर तिने नवऱ्याबाबत सासू-सासऱ्याकडे तक्रार केली. त्यानंतर दोघांनी तिच्याकडे दोन लाखांच्या हुंड्याबाबत विचारणा केली.

हुंडा द्यायला विरोध केल्याने सासरच्या मंडळीने मारहाण केल्याचा तिने आरोप केला. या मारहाणीनंतर महिलेने सासू-सासऱ्याची तक्रार स्वत:च्या आईला केली. महिलेचे आई-वडील २३ मे २०२५ रोजी घरी आल्यानंतर त्यांनाही सासू-सासऱ्यांनी हुंडा मागितला.

तरुणीच्या तक्रारीनुसार, भांडणानंतर घरी निघून आलेल्या महिलेची तिच्या आई-वडिलांनी समजूत काढून सासरी पाठवलं. नवऱ्याच्या नपुंसकतेवर रुग्णालयात उपचार करण्यात आले. परंतु त्याच्यावर काही परिणाम झाला नाही.

दुसरीकडे सासरच्या मंडळीने हुंडा न दिल्याचे म्हणत महिलेला घरातून हाकलून दिलं. या प्रकरणातील पीडित महिलेने कमिश्नर रघुवीर लाल यांच्याकडे तक्रार नोंदवली. पोलीस स्टेशनचे प्रभारी रिजवान खान यांनी या प्रकरणी तक्रार नोंदवून पुढील तपास सुरु केला आहे.