Boat Sink : मध्य आफ्रिकन रिपब्लिकमध्ये ३०० प्रवाशांना घेऊन जाणारी बोट नदीत बुडाली, ५० हून अधिक प्रवाशांचा मृत्यू

Boat Sink in Central African Republic : मध्य आफ्रिकन रिपब्लिकमधून मोठी दुर्दैवी घटना समोर आली आहे. नदी ओलांडताना प्रवाशांना घेऊन जाणाऱ्या बोटचा अपघात झाला. या अपघातानंतर बोटमधील ५० प्रवाशांचा मृत्यू झाला आहे.
Boat Sink
Boat Sink google

नवी दिल्ली : मध्य आफ्रिकन रिपब्लिकमधून मोठी दुर्दैवी घटना समोर आली आहे. नदी ओलांडताना प्रवाशांना घेऊन जाणाऱ्या बोटचा अपघात झाला. या अपघातानंतर बोटमधील ५० हून अधिक जणांचा मृत्यू झाला आहे. ही अपघाताची घटना शुक्रवारी झाली असून प्रशासनाकडून मदतकार्य सुर आहे. या घटनेने परिसरात एकच खळबळ उडाली आहे.

मिळालेल्या माहितीनुसार, मध्य आफ्रिकन रिपब्लिकमधील मापोके नदीतून ३०० प्रवाशांना घेऊन जाणारी बोट बुडाली. या दुर्देवी घटनेत ५० हून अधिक जणांचा मृत्यू झाला, अशी माहिती प्रशासकीय अधिकाऱ्यांनी ही माहिती दिली.

Boat Sink
Rajasthan Accident : लग्नसोहळा आटोपून घरी परतताना काळाचा घाला; व्हॅन आणि ट्रक अपघातात ९ जणांचा मृत्यू

बोट नदीत बुडाल्याची घटना शुक्रवारी घडली. बोट नदीत बुडाल्याने प्रवाशांचा मृत्यू झाला. गेल्या दोन दिवसांपासून प्रवाशांचे मृतदेह नदीतून काढण्याचे काम सुरु आहे. गावातील मुख्य व्यक्तीच्या अंत्यसंस्कारासाठी जाताना ३०० जणांना घेऊन जाणारी बोट नदीत बुडाली, अशी माहिती प्रत्यक्षदर्शी व्यक्तीने दिली.

Boat Sink
Accident News: भरधाव ट्रकची ट्रॅक्टरला पाठीमागून धडक; भीषण अपघातात ४ महिलांचा जागीच मृत्यू, २४ जखमी

या बोटमध्ये काही लोक उभे होते. तर काही बोटमधील लाकडाच्या सीटवर बसलेले होते. बोट निघाल्यानंतर काही मिनिटांनी बुडाली. ही दुर्दैवी घटना घडल्यानंतर ४० मिनिटांनी स्थानिक मच्छिमार मदतीसाठी पोहोचले. या घटनेत काही जणांना वाचवण्यात यश आलं आहे. तर त्यांना उपचारासाठी रुग्णलयात हलविण्यात आलं आहे.

'या दुर्देवी घटनेनंतर ५८ जणांचे मृतदेह नदीतून काढले आहेत, अशी माहिती नागरी संरक्षण विभागाचे प्रमुख थॉमस डिजिमासे यांनी दिली. 'नदीत नेमकं किती जण पाण्यात आहेत, याची माहिती मिळाली नाही, असेही त्यांनी सांगितले आहे.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com