भाजप अन् आम आदमी पक्षाची 'या' ठिकाणी युती; राजकारणातली सर्वात मोठी बातमी

अरविंद केजरीवाल यांच्या आम आदमी पक्ष आणि भाजप दिल्ली, पंजाब, गोवा, गुजरातसह देशभरात एकमेकांचे कट्टर विरोधक आहे. त्यामुळे या दोन्ही पक्षांमध्ये राजकीय समीकरण जुळण्याची शक्यता फारच कमी मानली जाते. मात्र, राजस्थानमध्ये झालेल्या स्थानिक स्वराज्य संस्थांच्या निवडणुकीत याच्या अगदी उलट चित्र पाहायला मिळाल आहे. जयपूरपासून सुमारे 380 किलोमीटर अंतरावर असलेल्या झालावाड जिल्ह्यातील पिडावा नगरपालिकेत भाजपने 'आप' च्या नगरसेवकांच्या मदतीने काँग्रेसलाच सत्तेपासून दूर ठेवल आहे. विशेष म्हणजे कॉँग्रेस सर्वाधिक जागा जिंकूनही अखेर सत्तेबाहेर ठेवले आहे. विशेष म्हणजे कॉँग्रेस सर्वाधिक जागा जिंकूनही अखेर सत्तेबाहेर राहिली.

राजस्थानमधील ३०९ स्थानिक स्वराज्य संस्थांसाठी झालेल्या निवडणुकीत आम आदमी पार्टीनं काही ठिकाणी चांगली कामगिरी केली. बारां नगर परिषदेत ‘आप’ बहुमताच्या जवळ पोहोचली. त्यानंतर शीतल राठौर यांनी सभापतीपदाची निवडणूक जिंकत राजस्थानमध्ये पहिल्यांदाच एखाद्या स्थानिक स्वराज्य संस्थेत ‘आप’ची सत्ता स्थापन केली. तर दुसरीकडे झालावाड जिल्ह्यातील पिडावा नगरपालिकेत ‘आप’ने पाच जागा जिंकत सत्तास्थापनेत महत्त्वाची भूमिका बजावली.

पिडावा नगरपालिकेत एकूण २० जागा आहेत. यापैकी काँग्रेसने सर्वाधिक ८ जागा जिंकल्या. भाजपचे ६ नगरसेवक विजयी झाले, तर एका जागेवर अपक्ष उमेदवार विजयी झाला. सभापतीपदाच्या निवडणुकीत काँग्रेस बहुमताचा आकडा गाठेल, अशी चर्चा होती. मात्र, भाजपचे उमेदवार राजू माळी यांनी बाजी मारली. ‘आप’च्या पाच नगरसेवकांसह एका अपक्ष नगरसेवकाचा पाठिंबा मिळाल्याने राजू माळी यांचा चार मतांनी विजय झाला.