बिहार : बिहारच्या सारण जिल्ह्यातून धक्कादायक घटना समोर आली आहे. एका डॉक्टर गर्लफ्रेंडने बॉयफ्रेंडचा प्रायव्हेट पार्ट कापल्याची धक्कादायक घटना घडली आहे. मढौरा पोलीस स्टेशनच्या हद्दीत ही घटना घडली आहे. गर्लफ्रेंडच्या धक्कादायक कृत्याने परिसरात एकच खळबळ उडाली आहे. या प्रकरणी पोलिसांनी गर्लफ्रेंडला अटक केली आहे.
बिहारमधील महिला डॉक्टरने लग्नाला नकार देणाऱ्या बॉयफ्रेंडचा प्रायव्हेट पार्ट कापल्याची धक्कादायक घटना समोर आलीये. या घटनेनंतर बॉयफ्रेंडची प्रकृती गंभीर असल्याचं बोललं जात आहे. या तरुणाला छपरा रुग्णालयात पाठवण्यात आलं आहे. त्यानंतर त्यांनी पाटणा पीएमसीएच रुग्णालयात जाण्यास सांगितलं.
मिळालेल्या माहितीनुसार, मढौरा येथील नर्सिंग होम चालवणाऱ्या डॉक्टरचं वेदप्रकाश नावाच्या तरुणासोबत प्रेमसंबंध होते. गेल्या अनेक वर्षांपासून त्यांचे प्रेमसंबंध होते. तरुणाने लग्नाचं आमिष देऊन अत्याचार केल्याचा डॉक्टर तरुणीचा आरोप आहे.
डॉक्टर तरुणीने सांगितले की, 'तरुणाने कोर्ट पद्धतीने लग्न करण्याचं आश्वासन दिलं होतं. लग्नासाठी मी हाताला मेहंदी लावली होती. मात्र, त्याने लग्नाला नकार दिला. यानंतर रागाच्या भरात बॉयफ्रेंडचा प्रायव्हेट पार्ट कापून टॉयलेटमध्ये फ्लश केला. मी केलेल्या कृत्याचा मला अजिबात पश्चाताप नाही'.
सारण पोलीस अधीक्षक डॉ. कुमार आशीष यांनी सांगितलं की, तरुणी खासगी होम नर्सिंग क्लिनिक चालवते. या तरुणीचं एका तरुणासोबत गेल्या अनेक वर्षांपासून प्रेमसंबंध होते. या तरुणीची ७-८ वेळा लग्नाची तारीख ठरली होती. मात्र, तिचं लग्न झालं नाही. यानंतर रागाच्या भरात या तरुणीने बॉयफ्रेंडचं गुप्तांग कापलं. या घटनेने सारण जिल्ह्यात एकच खळबळ उडाली आहे.
या घटनेची माहिती मिळताच पोलिसांनी या तरुणाला उपचारासाठी रुग्णालयात पाठवलं. या तरुणीला पोलिसांनी अटक केली आहे. पोलिसांनी पुढील कारवाई सुरू केली आहे. तसेच पोलिसांकडून या तरुणीकडून चालवण्यात येणारे नर्सिंग होम हा नोंदणीकृत आहे का, याची तपासणी करण्यात येणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
