Mumbai Crime : घराच्या मागच्या दरवाजातून शिरून गर्लफ्रेंडसोबत केलं भयानक कांड, गुन्हा कबुल करताच बापाने मुलाला पोलिसांत नेलं

मुंबई : देशाची आर्थिक राजधानी असलेल्या मुंबईतून हत्येची धक्कादायक घटना समोर आली आहे. एका तरुणाने प्रेयसीची हत्या केल्याची धक्कादायक घटना घडली आहे. त्यानंतर आत्महत्येचा प्रयत्न केला. पुढे स्मशानात जाऊन आईच्या कबरीजवळ जाऊन बसला. वडिलांनी या तरुणाला शोधले. आरोपीने तरुणाने वडिलांसमोर गुन्हा कबुल केला. त्यानंतर त्यांनी मुलाला पोलिसांत हजर केले.

काय आहे नेमकं प्रकरण?

२२ वर्षीय तरुण त्याच्या १८ वर्षीय प्रेयसीच्या अंधेरीतील मरोळ येथील घरात रात्री मागच्या दरवाजातून बेडरुममध्ये शिरला. त्याने तरुणीची शनिवारी पहाटे ४.३० वाजता हत्या केली. त्याची प्रेयसी इयत्ता बारावीत होती. या प्रेयसीने प्रियकराला मागच्या दरवाजातून बेडरुममधून शिरायला संधी दिली. बेडरुममध्ये दोघांचं भांडण झालं. त्यानंतर या तरुणाने प्रेयसीची हत्या केली.

प्रेयसीचे वडील आणि भाऊ तिच्या बेडरुमजवळील रुममध्ये झोपले होते. बेडरुमचा दरवाजा बंद असल्याने मुलीचा प्रियकर घरात शिरल्याचं माहीत नव्हतं. पोलिसांनी दिलेल्या माहितीनुसार, आरोपी मुलगा बारावीनंतर मॅकेनिकचा कोर्स करत होता. त्याने भांडण झाल्यानंतर प्रेयसीची गळा दाबून हत्या केल्याचे पोलिसांसमोर कबुल केले.

या हत्येच्या घटनेनंतर अंधेरी परिसरात एकच खळबळ उडाली आहे. तर ही तरुणी राहत असलेल्या परिसरात शोककळा पसरली आहे. परिसरातील नागरिकांकडून आरोपीला कडक शिक्षा करण्याची मागणी करत आहे.

सकाळी मुलीच्या वडील आणि भावाने ती बेशुद्ध अवस्थेत आढळली. त्यानंतर त्यांनी तातडीने रुग्णालयात दाखल केले. मात्र, डॉक्टरांनी या मुलीला मृत घोषित केले. प्रेयसीची हत्या केल्यानंतर आरोपी तरुणाने घरातून पळ काढला. त्यानंतर आत्महत्येचा प्रयत्न केला. पण तो आत्महत्या करू शकला नाही. त्यानंतर स्मशानात जाऊन बसला.

पोलिसांच्या माहितीनुसार, दोघे एकमकेांना मागील तीन वर्षांपासून ओळखत होते. रविवारी सकाळी तिची हत्या करण्यापूर्वी त्यांच्यामध्ये सोशल मीडियावर भांडण झाले होते. पोलिसांनी या तरुणाच्या विरोधात हत्येचा गुन्हा नोंदवत अटक केली आहे.