Bihar News : अंघोळीसाठी गेलेली ७ मुलं नदीत बुडाली; संपूर्ण गावावर शोककळा

बिहारमधील रोहतास जिल्ह्यात रविवारी एक ह्रदयद्रावक घटना घडली आहे. सोन नदीत अंघोळीसाठी गेलेली ७ मुलं बुडाली असून त्यातील ३ मुंलाचा मृत्यू झाला आहे. दोन मुलांची प्रकृती गंभीर असल्याचे सांगण्यात येत आहे, तर इतर दोन मुले अद्याप बेपत्ता आहेत. मिळालेल्या माहितीनुसार, मृत्यूमुखी पडलेली सर्व मुले एका कुटुंबातील होती. ही ह्रदयद्रावक घटना तुंबा गावात आज घडली.

घनास्थळावरून मिळालेल्या माहितीनुसार, सोन नदीत बुडालेली सर्व मुलं आंघोळीसाठी सोन नदीत उथरली होती. त्यापैकी एक मुलगा आधी नदीत बुडाला, त्याला वाचवण्यासाठी इतर सर्व मुले खोल नदीत गेली आणि तीही बुडाली. सध्या गावकऱ्यांच्या मदतीने मुलांचा शोध सुरू आहे. या घटनेनंतर गावात शोककळा पसरली आहे.