Bihar Accident News : अंधाऱ्या रात्रीत काळाचा घाला; भीषण अपघातात ५ जणांचा जागीच मृत्यू

Bihar News : बिहारमधून अपघाताची एक मोठी बातमी समोर आली आहे. बिहारच्या (Bihar) अवरल येथे ट्रक आणि रिक्षाचा भीषण अपघात झाला आहे. हा अपघात इतका भयावह होता की यात जागीच ५ जणांचा मृत्यू झालाय. अपघात होताच रस्त्यावर सर्वच प्रवाशांचा मोठा गोंधळ उडाला. पोलिसांना या घटनेची माहिती मिळताच त्यांनी घटनास्थळी धाव घेतली. (Latest Accident News)

मिळालेल्या अधिक माहितीनुसार, शुक्रवारी रात्री राष्ट्रीय महामार्ग १३९ वर हा भीषण अपघात (Accident) झाला आहे. ट्रक आणि रिक्षा दोन्हीही औरंगाबादच्या दिशेने जात होत्या. त्यावेळी पुढे असलेल्या रिक्षामध्ये ५जण प्रवास करत होते. मागून भरधाव वेगाने आलेल्या ट्रकने रिक्षाला पाठीमागून जोरदार धडक दिली. या धडकेत रिक्षा काही अंतरावर पुढे फेकली गेली.

अपघात इतका भीषण होता की यात रिक्षाचे वरचे छत देखील निघाले. पोलिसांनी घटनास्थळी धाव घेत मृतदेह शवविच्छेदनासाठी पाठवले आहेत. मृत व्यक्तींची ओळख अद्याप पूर्ण पटली नसून ते जगदीशपुर आरा येथील रहिवासी असल्याचा अंदाज पोलिसांनी वर्तवला आहे.

उपघातानंतर रस्त्यावर मोठी वाहतूक कोंडी झाली होती. तब्बस तास भर रस्त्यावर वाहनांच्या लांबच लांब रांगा लागल्या होत्या. पोलिसांनी यावेळी मृतदेह ताब्यात घेतल्यानंतर वाहतूक सुरळीत करण्यात आली.