Accident News: अपघातस्‍थळी थांबलेल्‍या मामाला बसला धक्‍का; भरधाव ट्रकची मोटरसायकलला धडक

एरंडोल (जळगाव) : भरधाव वेगाने धावणाऱ्या आयशरने समोरून येणाऱ्या मोटरसायकलला जोरदार धडक दिली. यामुळे झालेल्या (Accident) अपघातात २२ वर्षीय युवक जागीच ठार झाला, तर एक जण गंभीर जखमी झाला. (Breaking Marathi News)

खेडगाव तांडा (ता. एरंडोल) येथील भाईदास संतोष राठोड व संदीप खिमा जाधव हे मोटरसायकलने ३ मे रोजी सायंकाळी एरंडोल (Erandol) येथून कपडे व अन्य वस्तूंची खरेदी करून खेडगाव तांडा येथे जात होते. उमरदे गावाजवळील पुलाजवळ त्यांच्या मोटरसायकलला म्हसावदकडून येणाऱ्या ट्रकने जोरदार धडक दिली. ज्यात संतोष खिमा जाधव (वय २२) हा जागीच ठार झाला तर भाईदास संतोष राठोड हे गंभीर जखमी झाले.

दरम्‍यान मागून येणारे मयत संदीप जाधव यांचे मामा सुनील राठोड व दिनेश पवार यांना अपघात झाल्याचे दिसले. अपघातानंतर उमरदे येथील ग्रामस्थांनी ट्रक थांबवली. सुनील राठोड व दिनेश पवार यांनी ग्रामस्थांच्या मदतीने दोघांनाही ग्रामीण रुग्णालयात आणले असता, संदीप राठोड हे मयत झाल्याचे वैद्यकीय अधिकाऱ्यांनी सांगितले. जखमी भाईदास राठोड यांच्यावर उपचार सुरु आहेत. याबाबत सुनील राठोड यांनी दिलेल्या तक्रारीवरून आयशरचालक महेंद्रसिंग प्रतापसिंग राजपूत (रा. दादरा नगर हवेली) याच्याविरोधात गुन्हा दाखल करण्यात आला आहे. पोलिस निरीक्षक सतीश गोराडे यांच्या मार्गदर्शनाखाली हवालदार महेंद्र पाटील तपास करीत आहेत.