Bangladesh Violence: बांगलादेशात आणखी एका हिंदूची हत्या; घरात कोंडून जाळलं |VIDEO

Hindu Man Burnt Alive In Bangladesh Violence : बांगलादेशमध्ये हिंदूंवरील हिंसाचार सुरूच आहे. पिरोजपूर जिल्ह्यात आणखी एका हिंदू व्यक्तीची निर्घृण हत्या करण्यात आली. पीडितेला घरात कोंडून जिवंत जाळण्यात आल्याचा आरोप आहे. व्हिडिओ समोर आलाय.

Visuals showing the aftermath of the brutal killing of a Hindu man in Bangladesh’s Pirojpur district.saam tv

Published On:

28 Dec 2025, 10:29 pm IST

Summary

बांगलादेशात हिंदूंवरील हिंसाचाराच्या घटनांमध्ये वाढ
पिरोजपूर जिल्ह्यात पलाश कांती साहा यांची निर्घृण हत्या
घरात कोंडून जाळल्याचा गंभीर आरोप

बांग्लादेशात हिंदूंवरील हिंसाचाराच्या घटनांमध्ये वाढ होताना दिसत आहे. दीपू चंद्र दास आणि अमृत मंडल यांच्या निर्घृण हत्येनंतर आता पिरोजपूर जिल्ह्यातील पलाश कांती साहा यांची हत्या करण्यात आलीय. भाजप नेते अमित मालवीय यांनी ही माहिती सोशल मीडिया प्लॅटफॉर्म ‘एक्स’वर शेअर केली आहे.

Cases of attacks on Hindus have reached an alarming level in Bangladesh.

On December 27, at around 6am, Islamic radicals set fire to the homes of Hindu families in Dumuria village under Pirojpur district. Eyewitnesses stated that the attackers locked Palash Kanti Saha inside his… pic.twitter.com/TlDjbLXz2g
— Amit Malviya (@amitmalviya) December 28, 2025

चले तो चाँद तक नही तो...; चिनी शस्त्रांची पुन्हा पोलखोल, रॉकेट सिस्टिमचाच स्फोट; कंबोडियाच्या ८ जवानांचा मृत्यू

भाजप नेत्याने आरोप केलाय की, २७ डिसेंबर रोजी सकाळी सुमारे 6 वाजता पिरोजपूर जिल्ह्यातील दुमुरिया गावात राहणाऱ्या इस्लामी कट्टरपंथीयांनी हिंदूंच्या घरांवर हल्ले केले. हल्लेखोरांनी पलाश कांती साहा यांना त्यांच्या घरात कोंडले. त्यानंतर त्यांच्या घराला आग लावली. या घटनेचा व्हिडिओ सोशल मीडियावर व्हायरल होत असून, त्यात घर जळताना आणि बाहेर उभे असलेले लोक रडताना दिसत आहेत.

Bangladesh: बांगलादेशात आणखी एका हिंदू तरुणाची हत्या, बेदम मारहाण करून जीव घेतला

याच जिल्ह्यातील पिरोजपूरमधील याच भागातील पश्चिम दुमुरीतला गावात अवघ्या एका दिवसाआधी दोन हिंदू कुटुंबांची पाच घरे जाळण्यात आल्याची घटना घडली होती. बांग्लादेशात अल्पसंख्याकांवरील हिंसाचार चिंताजनक पातळीवर पोहोचल्याचे दर्शवतात, असा आरोप भाजप नेत्याने केला आहे. अमित मालवीय यांनी पश्चिम बंगालमधील मालदा आणि मुर्शिदाबाद येथील सांप्रदायिक दंग्यांचा उल्लेख केलाय. त्यांनी दोन्ही दंगा बाबत तुलना केली आहे, त्या काळात हिंदूंची घरे निवडकपणे लक्ष्य करण्यात आली होती.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Crime