Myanmar: नागरिकांनो! म्यानमारचा प्रवास करणं टाळा; हिंसाचाराच्या दरम्यान भारत सरकारकडून मार्गदर्शन सुचना जाहीर

Ministry of External Affairs Issued Guidelines For Myanmar:

मिलिशिया ग्रुप पीपल्स डिफेन्स फोर्स (पीडीएफ) आणि म्यानमारमधील लष्करामधील चकमक झालीय. या घटनेवरून भारत सरकारने भारतीय लोकांसाठी एक मार्गदर्शन सुचना जाहीर केलीय. लोकांनी म्यानमारला जाणे टाळावे, असं परराष्ट्र मंत्रालयाने सांगितले आहे. (Latest News)

म्यानमारमधील सुरक्षा परिस्थिती लक्षात घेता, सर्व भारतीय नागरिकांना म्यानमारमध्ये अनावश्यक प्रवास टाळण्याचा सल्ला देण्यात आलाय. याशिवाय जे लोक आधीच म्यानमारमध्ये राहत आहेत. त्यांनी हिंसाचार प्रभावित भागात जाऊ नये. रस्त्याने आंतरराज्य प्रवास देखील टाळावा, असं परराष्ट्र मंत्रालयाने सांगितलंय. मंत्रालयाचे प्रवक्ते अरंदीम बागची यांनी याची माहिती सोशल मीडियावर पोस्ट करत दिलीय. म्यानमारमध्ये राहणाऱ्या लोकांना भारतीय दूतावासात फॉर्म भरून नोंदणी करण्याचे आवाहनदेखील त्यांनी एक्सवर पोस्ट करत केलंय.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

काय आहे वाद

पीडीएफने भारतीय सीमेजवळील म्यानमारच्या चीन राज्यातील खावमवी आणि रिखावदार या दोन लष्करी स्थानांवर हल्ला केला होता. त्यानंतर पीडीएफ आणि म्यानमारच्या सैन्यामुळे चकमक झाली. पीडीएफने हल्ला केल्यानंतर म्यानमारच्या लष्कराने प्रत्युत्तर देत खावमावी आणि रिहखावदार गावांवर हवाई हल्ले केले. यामध्ये एका ५१ वर्षीय व्यक्तीचाही मृत्यू झाला.

याशिवाय या हल्ल्यात पीडीएफमधील सुमारे ५ जणांना आपला जीव गमवावा लागला. मिझोरामचे ६ जिल्हे चंफई, सियाहा, लांगतलाई, सेरछिप, हनाथियाल आणि सैतुअल म्यानमारच्या चीन राज्याच्या सीमा रेषेला लागून आहेत.. म्यानमारमध्ये २०२१ मध्ये झालेल्या सत्तापालटानंतर सुमारे ३० हजार निर्वासित चीनी येथे राहतात. याआधी एप्रिलमध्ये म्यानमार लष्कराने हवाई हल्ले केले होते. यात सुमारे १०० लोक मारले गेले होते. पाजिगी शहरात हा हल्ला झाला. पीडीएफ म्यानमार देशात लष्कराच्या विरोधात मोहीम चालवत आहे.