Earthquake: थरारली धरणी...आसामसह त्रिपुरा आणि मेघालय भूकंपाच्या तीव्र धक्क्यांनी हादरले!

Earthquake: आसाम, मेघालय आणि त्रिपुरामध्ये भूकंपाचे धक्के जाणवले. या भूकंपाचे धक्के इतके जोरदार होते की लोकं घाबरून घराबाहेर पळाले.
Earthquake
Earthquakesaam Tv

Earthquake:

आसाम, मेघालय आणि त्रिपुरामध्ये आज संध्याकाळच्या सुमारास भूकंपाचे तीव्र धक्के बसले. या भूकंपाची तीव्रता रिक्टर स्केलवर ५.२ इतकी नोंदली गेली. नॅशनल सेंटर फॉर सिस्मॉलॉजीनुसार, आज संध्याकाळी ६.१५ वाजता मेघालयसह तिन्ही राज्यांत भूकंपाचे तीव्र धक्के जाणवले. उत्तर गारो हिल्समध्ये केंद्रबिंदू होता. या भूकंपाचे धक्के इतके जोरदार होते की काही लोक भीतीनं घराबाहेर पळाले.

ईशान्येत भूकंपाचे धक्के जाणवणं हे एका महिन्यात सलग दुसऱ्यांदा घडलंय. याआधी ११ सप्टेंबर रोजी आसामसह ईशान्येकडील अनेक राज्यांमध्ये भूकंपाचे जोरदार धक्के जाणवले होते. नॅशनल सिस्मॉलॉजी सेंटरच्या म्हणण्यानुसार, रात्री ११ वाजता भूकंप झाला होता. त्याची तीव्रता रिक्टर स्केलवर ५.१ इतकी नोंदवली गेली होती. त्या भूकंपाचा केंद्रबिंदू उखरुल जिल्हा होता. हा केंद्रबिंदू मणिपूरपासून ६६ किमी अंतरावर होता.

परंतु हे भूकंप आसाम तसेच अरुणाचल प्रदेशातही जाणवले होते. नॅशनल सिस्मॉलॉजी सेंटरच्या मते सप्टेंबरमध्ये झालेल्या भूकंपाचा केंद्रबिंदू पृथ्वीच्या २० किमी खोलीवर होता. हरियाणामध्ये एक दिवसापूर्वी भूकंपाचे धक्के जाणवले होते. राष्ट्रीय भूकंप केंद्रानुसार, या भूकंपाचा केंद्रबिंदू रोहतक होता. त्याची तीव्रता रिक्टर स्केलवर २.६ इतकी नोंदवली गेली होती. रात्री अंदाजे ११.२६ मिनिटांनी भूकंपाचे हे धक्के जाणवले होते.

Earthquake
Earthquake Video: मोरोक्कोमध्ये सर्वात मोठा भूकंप, आतापर्यंत २९६ जणांचा मृत्यू; शेकडो इमारती कोसळल्या, पाहा VIDEO

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com