Apple Watch: अ‍ॅपल वॉचमुळे वाचला समुद्रात बुडणाऱ्या तरुणाचा जीव, अनुभव ऐकून तुम्हीही व्हाल चकीत

Summary -

• पुद्दुचेरीत स्कूबा डायव्हिंगदरम्यान तरुणाचा जीव अ‍ॅपल वॉचने वाचवला.

• क्षितिज जोदापे ३६ मीटर खोलीवर अडकला होता.

• अ‍ॅपलवॉचच्या सायरन आणि SOS फीचरमुळे तो वाचला.

• टिम कुक यांनीही या घटनेवर आनंद व्यक्त केला.

अ‍ॅपल ही जगातील काही मोजक्या टेक कंपन्यांपैकी एक आहे जी केवळ तिच्या स्टाइल आणि ब्रँड व्हॅल्यूसाठीच ओळखली जात नाही तर या कंपनीच्या उत्पादनांमध्ये सुरक्षितता आणि जीवनरक्षक तंत्रज्ञानाचा समावेश असतो. एक अशी घटना समोर आली आहे या घटनेने हे सिद्ध केले आहे. अ‍ॅपल वॉचने एका तरुणाला मृत्यूच्या जबड्यातून वाचवले. हा तरुण समुद्रात बुडणार होता परंतु अ‍ॅपल वॉचमधील एका खास स्मार्ट फीचरच्या मदतीने त्याचा जीव वाचला. या घटनेने सर्वांना आश्चर्यचकीत केले.

ही घटना सध्या सोशल मीडियावर व्हायरल होत आहे. इतकेच नाही तर अ‍ॅपलचे सीईओ टिम कुक यांनीही या घटनेवर प्रतिक्रिया दिली आहे. ही घटना पुद्दुचेरी येथे घडली. २६ वर्षीय क्षितिज जोदापे स्कूबा डायव्हिंग करत होता. दरम्यान तो खोल समुद्रात अडकला. समुद्रात अडकल्यामुळे त्याला काय करावे हेच समजत नव्हते. अखेर त्याला अॅपलने वाचवले.

क्षितीजने सांगितले की, तो खोल समुद्रात ३६ मीटर खोलीवर गेला होता. यादरम्यान त्याचा बेल्ट सैल झाला. यामुळे तो समुद्राच्या पृष्ठभागाकडे वेगाने खाली जाऊ लागला. त्याला काय करावे हे कळत नव्हते. त्यामुळे तो प्रचंड घाबरला. यावेळी त्याच्या हातामध्ये असलेले अ‍ॅपल अल्ट्रा वॉचचा सायरन मोठ्याने वाजू लागला. सायरनने क्षितिजला सावध केले.

दरम्यान, त्याच्या वॉचच्या स्क्रीनवर वेग कमी करण्यासाठी एक सूचना आली. जास्त वेगाने वर चढल्याने त्याच्या फुफ्फुसांना गंभीर दुखापत झाली असती. सुरुवातीला अ‍ॅपल वॉचने सतर्कतेची सूचना दिली तेव्हा क्षितिजने प्रतिसाद दिला नाही. त्यानंतर वॉचने एक मोठा सायरन वाजवला. हे ऐकून प्रशिक्षक क्षितिजच्या मदतीला धावून आला. या घटनेनंतर अ‍ॅपलचे सीईओ टिम कुक या घटनेवर प्रतिक्रिया देत म्हणाले की, 'प्रशिक्षकाने अलार्म ऐकला आणि लगेच तुम्हाला मदत केली याचा मला खूप आनंद आहे. ही कहाणी आमच्यासोबत शेअर केल्याबद्दल धन्यवाद. निरोगी राहा.'