CCTV Footage : आंध्र प्रदेशात शाळकरी मुलांच्या रिक्षाची भरधाव ट्रकला धडक, ८ विद्यार्थी गंभीर जखमी

Accident News :

आंध्र प्रदेशातील विशाखापट्टणम येथे भीषण अपघाताची घटना समोर आली आहे. बुधवारी सकाळी ही घटना घडली आहे. ट्रक आणि रिक्षा यांच्यात झालेल्या अपघात आठ लहान मुले जखमी झाले आहेत. ही संपूर्ण घटना सीसीटीव्ही कॅमेऱ्यात कैद झाली आहे.

मिळालेल्या माहितीनुसार, विशाखापट्टणम येथील संगम सैराट चित्रपटगृहाजवळ आज सकाळी शाळेत जात असताना ऑटो-रिक्षा आणि लॉरी ट्रकची धडक झाली. ज्यामध्ये आठ शाळकरी मुले जखमी झाली.  (Latest Marathi News)

प्राथमिक माहितीनुसार, ऑटो रिक्षा मुलांना शाळेत घेऊन जात असताना ट्रकने धडक दिली. या धडकेमुळे रिक्षा पलटी झाली, त्यात मुले जखमी झाली. अपघाताची माहिती मिळताच पोलिसांनी घटनास्थळ गाठून मुलांना रुग्णालयात दाखल केले असून या प्रकरणाचा तपास सुरू आहे.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

सीसीटीव्हीतील दृष्यांनुसार, एक ट्रक वेगाने रस्त्यावरुन धावत येताना दिसत आहे. दरम्यान एक रिक्षा अचानक येते आणि ट्रकला धडकडे. धडकेनंतर काही क्षणात रिक्षात बसलेली मुले रस्त्यावर पडतात. यात आठ मुले जखमी झाले आहेत. रस्त्यावरील नागरिकांच्या मदतीने मुलांना हॉस्पिटलमध्ये दाखल करण्यात आले आहे.