Metro Viral Reel : मेट्रोमध्ये तरुणीची रिलबाजी, नेटकऱ्यांनी व्यक्त केला संताप; Viral Video

पाटणा मेट्रोवर गुटखा थुंकल्याच्या घटनेनंतर आता मेट्रोमध्ये रिलबाजी सुरु असल्याचं समोर आलं आहे. या घटनेचा व्हिडिओ सोशल मीडियावर सध्या धुमाकूळ घालत आहे. मेट्रोच्या आत हा व्हिडिओ काढल्याचं स्पष्ट झालं आहे. या व्हिडिओवर नेटकऱ्यांनी संतप्त प्रतिक्रिया दिल्या असून पाटणा पोलिसांकडून कोणतीही कारवाई करण्यात आलेली नाही.

मिळालेल्या माहितीनुसार, बऱ्याच प्रतीक्षेनंतर बिहारची राजधानी पाटण्यात मेट्रो सेवा पूर्ववत झाली आहे. मेट्रो सेवा सुरू झाल्यानंतर एका आठवड्यानंतर काही दिवसात मेट्रोवर गुटखा थुंकण्याच्या घटना समोर आल्या. त्यानंतर दिल्ली मेट्रोप्रमाणेच आता पाटणा मेट्रोमध्येही रिलबाजी सुरु असल्याच्या व्हिडीओ सोशल मीडियावर दिसू लागले आहेत. असाच एक व्हिडिओ सोशल मीडियावर सर्वात जास्त व्हायरल होत आहे. या व्हिडिओमध्ये, काळा आणि पांढरा ड्रेस घातलेली एक मुलगी एका गाण्यावर रील बनवताना दिसत आहे.

अशा व्हिडिओंवर जनतेकडून तीव्र प्रतिक्रिया येत आहेत. मेट्रोचे वातावरण स्वच्छ ठेवण्यासाठी आणि पोर्नोग्राफीचा प्रसार रोखण्यासाठी रील तयार करणाऱ्यांवर कठोर कारवाई आणि दंड करण्याची मागणी केली जात आहे. दरम्यान, काही जण मेट्रोमध्ये काय दिसत आहे यावर प्रश्नचिन्ह उपस्थित करत आहेत.

काही दिवसांपूर्वीच मुख्यमंत्री नितीश कुमार यांनी मेट्रो सेवेला हिरवा कंदील दाखवला होता . मात्र काही दिवसांतच पाटणाच्या नागरिकांनी मेट्रोमध्ये विविध ठिकाणी गुटखा थुंकून ठेवला आणि आता रील देखील बनवू लागले आहेत. तथापि, या प्रकरणावर पाटणा मेट्रो प्रशासनाकडून अद्याप कोणतेही अधिकृत विधान करण्यात आलेले नाही. शिवाय पोलिसांनी देखील या प्रकरणाची दखल घेतली नाही. मात्र भविष्यात अशा प्रकरणांमध्ये दंड किंवा प्रतिबंधात्मक कारवाई करण्याची मागणी नेटकऱ्यांकडून होत आहे. दरम्यान पोलीस अशा प्रकारांवर ठोस पाऊल उचलणार का ? हे पाहणं महत्त्वाचं ठरेलं.

पाटणा मेट्रोमधील आणखी एक धक्कदायक प्रकार व्हायरल

देशभरात अनेक ठिकाणी प्रवाशांकडून तिकीट न काढता प्रवास करण्याचे प्रकार सर्रास चालतात. मात्र, नुकत्याच सुरू झालेल्या पाटणा मेट्रोतील धक्कादायक व्हिडिओ समोर आला. या व्हिडिओमध्ये काही लोक तिकीट स्कॅन न करता मेट्रो स्टेशनच्या प्रवेशद्वारावरील बॅरियरमधून मुलांना आणि स्वतःलाही जबरदस्तीने आत ढकलत असल्याचे दिसत आहे. या 'जुगाडा'चा व्हिडीओ हायरल झाला असून नेटकऱ्यांनी संताप व्यक्त केला आहे.