तामिळनाडूतील करूर येथे अभिनेता विजय थलपथीच्या रॅलीत चेंगराचेंगरीसारखी परिस्थिती निर्माण झाली. यात १० जणांचा मृत्यू झाल्याची भीती व्यक्त केली जात आहे. मृतांमध्ये मुलांचा समावेश असल्याचं सांगितलं जात आहे. तामिळनाडूतील करूर येथे अभिनेता विजयच्या रॅलीत चेंगराचेंगरीसारखी परिस्थिती निर्माण झाल्याने मुलांसह किमान १० जणांचा मृत्यू झाल्याची भीती व्यक्त केली जात आहे.
तामिळनाडूतील करूर येथे अभिनेता विजय थलपथीच्या रॅलीत चेंगराचेंगरीसारखी परिस्थिती निर्माण झाली. यात १० पेक्षा जास्त लोकांचा मृत्यू झाल्याची भीती व्यक्त केली जात आहे. मृतांमध्ये मुलांचा समावेश असल्याचं सांगितलं जात आहे. TVK (तमिलगा वेट्टी कळघम) प्रमुख आणि अभिनेता विजय यांनी नमक्कलमध्ये या रॅलीचे आयोजन केले होते.
त्याचवेळी चेंगराचेंगरीची घटना घडली. रॅलीमध्ये मोठ्या संख्येने लोक उपस्थित होते असे वृत्त आहे. गर्दी इतकी वाढली की चेंगराचेंगरी झाली. अभिनेता विजय थलपथी जमावाला संबोधित करत होते. त्याचवेळी चेंगराचेंगरीची घटना घडली असून यात लोक बेशुद्ध पडले. त्यामुळे विजय थलपथी यांना त्यांचे भाषण थांबवावे लागले.
दरम्यान जखमींना करूर रुग्णालयात दाखल करण्यात आले आहे. पीटीआयच्या वृत्तानुसार मृतांमध्ये दोन मुलांचा समावेश आहे. थलपथीच्या सभेला इतकी गर्दी झाली की, लोकांना श्वास घेणेही कठीण झाले होते. त्यामुळे उपस्थित असलेले लोक आणि कार्यकर्ते बेशुद्ध पडू लागले. त्यानंतर अभिनेता विजयने आपले भाषण थांबवले आणि जमावाला शांतता राखण्याचे आवाहन केलं.
त्यांनी त्यांच्या पक्षाच्या कार्यकर्त्यांना गरजूंना मदत करण्याचे आणि त्यांना रुग्णवाहिकेपर्यंत नेण्याचे आवाहन केले. याच काळात एक मुलगी बेपत्ता झाल्याची तक्रार आल्याचे वृत्त आहे. तिच्या सुरक्षेसाठी पोलिसांना सक्रिय करण्यात आले होते.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.