Pune Garba: भाजप खासदारानं गरबा बंद पाडला; ऐन कार्यक्रमावेळी खासदाराची धाड

या ठिकाणी मोठ्याप्रमाणे गोंधळ आणि धिंगाणा होत असल्यामुळे याचा येथे राहणाऱ्या रहिवाशांना खूप त्रास होतो. आपल्याला गोंधळा आणि गोंगाटाचा व्हिडिओ एकाने पाठवला, त्यामुळे आता येथून पुढे नियमभंग करणारे कार्यक्रम होऊ दिले जाणार नाही, असा भाजप खासदार मेधा कुलकर्णींनी इशारा दिला. कार्यक्रमाचा आवाजा मोठ्या प्रमाणात येतोय. त्याचा वृद्ध, लहान मुलांना, आजारी रुग्णांना या आवाजाचा त्रास होतोय, त्यामुळे येथून पुढे हा कार्यक्रम होणार नसल्याचं भाजप खासदार मेधा कुलकर्णी यांनी सांगितलं.

गरबा कार्यक्रमाचा खूप आवाज होत आहे. आपण आरतीसाठी गेले असताना अनेकांनी येथील गोंगाटाचे व्हिडिओ काढून पाठवले. हवेतर मी व्हॉट्सअप देखील दाखवते. एक लिव्हर कॅन्सर झालेले पेशंट आहे. एक ९० वर्ष वृद्ध व्यक्ती आहे, ते कशी अवस्था होत असेल. दरवर्षी येथे दहीहंडीचे कार्यक्रम होत असतात. तुम्हाला असं राहणं पसंत आहे का सांगा. तुमच्या घरीही आजी, आजोबा असतील. आजारी माणसे असतील, लहान मुलं असतील.

हा कार्यक्रम आजपासून येथून या ग्राऊंडवर होणार नाही. आजुबाजुच्या परिसरातील लोकांना आवाजाचा मोठा त्रास होतोय. हा कार्यक्रम नियमभंग करून होतोय. सर्व धार्मिक नियम तोडून कार्यक्रम होतोय. आवाजाची मर्यादा पाळली जात नाही. त्यामुळे शास्त्री नगर पोलीस स्टेशनमध्ये तक्रार केली असल्याची माहिती खासदार कुलकर्णी यांनी दिली.