Chhattisgarh Latest news : छत्तीसगडच्या अबुझमाड जंगलात जोरदार धुमश्चक्री; जवानांनी ४ नक्षलवाद्यांना शोधून टिपलं!

छत्तीसगड : नारायण जिल्ह्यात नक्षलवाद्यांमध्ये चकमक झाल्याची माहिती समोर आली आहे. या जिल्ह्यातील अबुझमाड जंगलात मंगळवारी सकाळी भारतीय जवान आणि नक्षलवाद्यांमध्ये चकमक झाली. या दोन्ही बाजूने सुरु झालेल्या चकमकीत एसटीएफच्या पथकाला मोठं यश मिळालं. या गोळीबारात ४ नक्षलवादी मारले गेले आहेत.

जंगलातील लपलेल्या अनेक नक्षलवाद्यांना घेरण्यात आल्याची माहिती हाती आली आहे. या भागात नक्षली आणि एसटीएफ जवानांमध्ये चकमक सुरु आहे.

सोमवारी एकाचा खात्मा

सोमवारी सुकमाच्या सलातोंग भागाजवळ भारतीय जवान आणि नक्षलींमध्ये जोरदार धुमश्चक्री सुरु होती. या चकमकीत भारताच्या जवानांनी एका नक्षलवाद्याचा खात्मा केला होता. नक्षलवाद्याचा खात्मा केल्यानंतर छत्तीसगडचे मुख्यमंत्री विष्णूदेव साय यांनी प्रतिक्रिया दिली. 'सरकार मोठ्या ताकदीने नक्षलवाद्यांच्या विरोधात लढत आहोत. नक्षलवाद्यांकडे दुसरा मार्ग देखील खुला आहे. आत्मसमर्पण करण्याचा मार्ग नक्षलवाद्यांकडे आहे.

१५ दिवसांपूर्वी २९ नक्षलवाद्यांचा खात्मा

पंधरा दिवसांपूर्वी छत्तीसगडच्या कांकेर जिल्ह्यातील जंगलात चकमक झाली. यावेळी सुरक्षा दलांनी २९ नक्षतवाद्यांचा खात्मा केला होता. तर या चकमकीत ३ जवान जखमी झाले होते.

बिनगुंडा आणि कोरोनार गावांधील हापतोला जंगलात दुपारी नक्षलवादी आणि सुरक्षा दलांमध्ये चकमक उडाली होती. या जंगलात नक्षलवादी लपल्याची माहिती मिळाली होती. त्यानंतर सीमा सुरक्षा दल आणि पोलीस दलाच्या संयुक्त पथकाने शोधमोहीम होती घेतली होती. त्यासाठी सीमा सुरक्षा दलाचे जवान मोठ्या प्रमाणावर तैनात करण्यात आले होते. या घटनेनंतर २९ नक्षलवाद्यांचे मृतदेह ताब्यात घेण्यात आले होते.