Shocking : मित्राच्या मुलीला पाहून म्हाताऱ्याची नियत फिरली; लाडूचं आमिष देऊन अत्याचार, ५ महिन्यांनी काळंकृत्य उघड

उत्तर प्रदेशच्या औरेया जिल्ह्यातील एका ७५ वर्षीय म्हाताऱ्याने मित्राच्या मुलीवर अत्याचार केल्याची घटना घडली आहे. १४ वर्षाची अल्पवयीन मुलगी ५ महिन्याची गर्भवती झाल्यानंतर गुन्ह्याचा उलगडा झाला. यानंतर पीडित मुलीच्या आईच्या कोतवाली पोलिसांत म्हाताऱ्याविरोधात तक्रार दिली. पोलिसांनी आईच्या तक्रारीवरून गुन्हा दाखल करत कारवाईला सुरुवात केली आहे.

मिळालेल्या माहितीनुसार, बिधून कोतवाली पोलिस स्टेशनच्या हद्दीत घडलेल्या घटनेने परिसरात खळबळ उडाली आहे. अत्याचाराच्या घटनेनंतर पोलिसांनी मुलीला वैद्यकीय चाचणीसाठी रुग्णालयात पाठवण्यात आलंय. पीडितेच्या आईने तक्रारीत म्हटलं की, '१४ वर्षीय मुलगी पाच महिन्यांपूर्वी शेतातून घरी परतत होती. त्यावेळी गावातील म्हाताऱ्याने मुलीला पाहिलं. त्याने प्रसादाच्या बहाण्याने घरात बोलावलं. त्यानंतर घरात लाडू देऊन मुलीवर अत्याचार केल्याची घटना घडली.

आरोपीने अत्याचारानंतर घटना कोणालाही सांगू नये, यासाठी पीडितेला जीवे मारण्याची धमकी दिली. आरोपीने मुलीला गोळ्या झाडून जीवे मारण्याची देखील धमकी दिली. आरोपीच्या धमकीला अल्पवयीन मुलगी घाबरून गेली.

आरोपीच्या धमकीनंतर मुलीने घरात कोणालाही घडलेल्या घटनेविषयी सांगितलं नाही. मात्र, ५ महिन्यानंतर मुलगी गरोदर असल्याचे आईला समजले. त्यानंतर पीडित आईने पोलिसांत जाऊन तक्रार दाखल केली. त्यानंतर पीडित मुलीच्या जबाबावरून आरोपीच्या विरोधात गुन्हा नोंदवण्यात आला. त्यानंतर पोलिसांनी तपासाला सुरुवात केली आहे. आरोपीच्या लवकरच मुसक्या आवळणार असल्याचे पोलिसांनी सांगितलं.