२८ वर्षांच्या तरुणीचं ६० वर्षीय मॅनेजरशी सूत जुळलं; दोघांनी पळून जाऊन लग्न केलं, फोटो व्हायरल झाल्यानंतर कुटुंबीयांमध्ये खळबळ

बिहारच्या मुजफ्फरपुर जिल्ह्यातील औराई भागातून एक आगळीवेगळी लव्हस्टोरी समोर आली आहे. वय, धर्म आणि समाजाचे बंधन तोडून दोघांनी लग्न केलं आहे. खासगी शाळेचे ६० वर्षीय मॅनेजर राकेश शाह आणि त्यांच्या शाळेतील २८ वर्षीय शिक्षिका शाइस्ता परवीन यांनी पळून जाऊन लग्न केलं आहे. दोघांनी नेपाळमध्ये मंदिरात लग्न केलं. दोघांचे फोटो आणि व्हिडिओ सोशल मीडियावर व्हायरल झाले आहेत. यानंतर शाइस्ताच्या कुटुंबीयांनी राकेश यांच्यावर गंभीर आरोप करत पोलिसांत तक्रार नोंदवली आहे.

मिळालेल्या माहितीनुसार, राकेश शाह हे औराई भागात एक खासगी शाळा चालवतात. त्याच शाळेत शाईस्ता शिक्षिका आहे. दोघेही एकाच शाळेत काम करतात. कामाच्या ठिकाणी दोघांमध्ये प्रेम वाढलं. दोघे १८ फेब्रुवारीनंतर अचानक बेपत्ता झाले. दोघांनी नेपाळमध्ये जाऊन एका मंदिरात दोघांनी लग्न केलं.

सोशल मीडियावर व्हायरल होणाऱ्या फोटोमध्ये दोघेही एकमेकांना वरमाला घालताना दिसत आहे. या लग्नावर शाइस्ता यांनी म्हटलं की, 'मी माझ्या मर्जीने लग्न केलं आहे. मी माझ्या निर्णयाविषयी समाधानी आहे. माझे पती राकेशच्या कुटुंबीयांना कोणीही त्रास देऊ नये. माझं कोणीही अपहरण केलेलं नाही'.

शिक्षिका शाइस्ताच्या भावाने गंभीर आरोप केले आहेत. तिच्या भावाने मॅनेजरच्या विरोधात गुन्हा दाखल केला आहे. भावांचं म्हणणं आहे की, 'राकेश शाह यांनी माझ्या बहि‍णीचं बळजबरीने लग्न आणि धर्मांतरासाठी अपहरण केलं आहे. राकेश शहा यांच्यासह त्यांची पत्नी, मुलीसहित ७ जणांच्या नावाचा उल्लेख तक्रारीत म्हटलं आहे.

दोघेही वेगवेगळ्या धर्माचे आहेत. दोघांच्या लग्नामुळे परिसता तणावाचं वातावारण निर्माण झालं आहे. शाळेचे मॅनेजर आणि शाळेला टाळा लावण्यात आला आहे. औराई पोलीस स्टेशनचे प्रभारी राजा सिंह यांनी सांगितलं की, या प्रकरणाचा गांभीर्याने तपास सुरू आहे. व्हायरल व्हिडिओचाही तपास करण्यात येत आहे. पोलिसांनी गावात नाकाबंदी देखील केली आहे.