पिंपरी चिंचवडमध्ये गोळीबार; तरुणाचा मृत्यू, घटना सीसीटीव्हीत कैद

गोपाल मोटघरे

पिंपरी चिंचवड : पुण्यात घडलेली गोळीबाराची घटना ताजी असतानाच आता पिंपरी चिंचवडमधून (Pimpari Chinchwad) एक धक्कादायक बातमी समोर आली आहे. पिंपरी चिंचवडमध्ये एका तरुणावर गोळीबार करण्यात आला आहे. पुण्यातील पिंपरी चिंचवडमधील सांगवी परिसरात असलेल्या कातेपूरम चौकात ही गोळीबाराची घटना घडली आहे. या गोळीबारात एका तरुणाचा मृत्यू झाला आहे.

हे देखील पहा-

अज्ञाताकडून गोळीबार !

घटनेबद्दल मिळालेल्या माहितीनुसार, पिंपरी चिंचवडमधील कातेपूरम येथे सकाळच्या ११ वाजेच्या सुमारास ही घटना घडली. आरोपीने तरुणावर गोळीबार करुन घटनास्थळावरून पळ काढला आहे. या घटनेत पीडित तरुण जखमी झाला होता, त्यास उपचारासाठी त्वरित रुग्णालयात दाखल करण्यात आले. मात्र उपचारादरम्यान, या तरुणाचा मृत्यू झाला आहे अशी माहिती मिळत आहे. तर मृतकाचे नाव योगेश जगताप असे आहे.

गोळीबाराचे कारण काय?

हा गोळीबार का करण्यात आला याचे कारण अद्याप समोर आलेले नाही. मात्र, पूर्ववैमनस्यातून हा हल्ला केला असावा असा प्राथमिक अंदाज वर्तवला जात आहे दरम्यान, गोळीबाराची माहिती मिळातच पोलीस घटनास्थळी दाखल झाले असून, पोलिसांनी या प्रकरणी गुन्हा दाखल करत आपला तपास सुरू केला आहे.

प्राथमिक माहितीनुसार, हल्ला आणि गोळीबाराची ही घटना एका सीसीटीव्हीत (CCTV) कैद झाली आहे. या सीसीटीव्हीच्या आधारे पोलीस तपास करत आहेत.