Maval Pawana Dam : पवना धरणात बुडून अभियंत्याचा मृत्यू, हिंजवडीमधील मित्रांवर शाेककळा

Maval News :

पुण्यातील हिंजवडी परिसरातील एका खासगी कंपनीत संगणक अभियंता म्हणून कार्यरत असलेल्या मयांक उपाध्याय (mayank upadhyay drowned in pawana dam) याचा रविवारी मावळमधील पवना धरणात बुडून मृत्यू झाला. मयांक हा २७ वर्षीचा हाेता अशी माहिती पाेलिसांनी दिली. (Maharashtra News)

पाेलिसांकडून मिळालेल्या माहितीनूसार मयांक उपाध्याय हा मित्रांसह रविवारी पवना धरणात पोहण्यासाठी आला होता. त्याला पाण्याचा अंदाज न आल्याने तो बुडाला. इतर मित्रांनी आरडाओरडा केला मात्र तोपर्यंत त्याचा बुडून मृत्यू झाला.

या घटनेची माहिती पाेलिसांना देण्यात आली. त्यानंतर लाेणावळा ग्रामीण पाेलिस घटनास्थळी पाेहचले. ग्रामस्थांच्या सहकार्याने पाेलिसांनी मयांक उपाध्याय याचा मृतदेह पाण्यातून बाहेर काढला. मयांक याच्या नातेवाईकांना घटनेची माहिती देण्यात आली. लाेणावळा ग्रामीण पाेलिस घटनेचा तपास करीत आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar