Shinde vs Thackeray: वरळी कोळीवाड्यात एकनाथ शिंदे आणि आदित्य ठाकरे आमनेसामने; कार्यकर्त्यांमध्ये धक्काबुक्की

वरळीमधील कोळीवाड्यात आदित्य ठाकरे आणि उपमुख्यमंत्री एकनाथ शिंदे आमनेसामने आलेत. ठाकरे आणि एकनाथ शिंदेंच्या कार्यकर्त्यांमध्ये धक्काबुकी झाली. यावेळी गदारोळ करणाऱ्या कार्यकर्त्यांना रोखण्यासाठी हस्तक्षेप करणाऱ्या पोलीस कर्मचारी आणि कार्यकर्त्यांमध्ये धक्काबुक्की झाली. नारळी पौर्णिमा निमित्त कोळी बांधव समुद्राची पूजा करून समुद्राला नारळ वाहतात. नारळीच्या बत्तेरी जेट्टी येथे आदित्य ठाकरे कोळी बांधव यांच्यासोबत नारळ समुद्राला वाहणार आहेत. त्याचवेळी उपमुख्यमंत्री एकनाथ शिंदे हे देखील बत्तेरी जेट्टी येथे कोळी बांधवांसोबत नारळ समुद्राला नारळ अर्पण करण्यासाठी आले. यावेळी हे दोन्ही नेते आमनेसामने आले. दोन्ही नेत्यांचे कोळी बांधवांनी स्वागत केले. यानंतर हे दोन्ही नेते एकमेकांसमोर आले असताना दोन्ही नेत्यांसोबत अनेक कार्यकर्ते उपस्थित होते. या दोन्ही नेत्यांना पाहण्यासाठी कोळी बांधवांची मोठी गर्दी जमली होती.