Maharashtra Politics : ठाकरे बंधूंच्या युतीची कोंडी? ठाकरेंच्या युतीचं घोडं अडलं कुठं? राजकीय समीकरण युतीतला अडथळा?

भरत मोहोळकर, साम टिव्ही

मुंबई : मनसे आणि ठाकरे गटाच्या सैनिकांचं मनोमिलन झालंय. मात्र वरिष्ठ स्तरावरुन कुठल्याच हालचाली दिसत नाहीत. त्यामुळे युती होणार की नाही? अशा चिंतेत कार्यकर्ते असताना मनोमिलनाआधीच जागा वाटपाच्या चिंतेमुळेच युतीचं घोडं अडल्याची माहिती सुत्रांनी दिलीय.

मनसेला युतीचा प्रस्ताव द्यायचा कुणी? हा ठाकरेंपुढे प्रश्न

2017 च्या निवडणुकीत शिवसेनेचा 84 जागांवर विजय

मनसेकडे एकही नगरसेवक नसल्याने जागांबाबत तिढा

तुल्यबळ दावेदार असलेल्या जांगांसाठी काय प्रस्ताव द्यायचा? याविषयी संभ्रम

ठाकरे बंधूंची युती फडणवीस होऊ देणार नाहीत, अशी ठाकरे गटाला शंका

युतीची चर्चा आमच्या अटींवर व्हावी, अशी ठाकरे गटाची भूमिका

राज ठाकरे -फडणवीस भेटीनंतर युतीच्या चर्चांना ब्रेक लागल्याचं म्हटलं जात होतं.. मात्र आता संजय राऊतांनी अटी-शर्ती आणि फॉर्म्युल्याच्या चर्चा फेटाळून लावल्या आहेत. एकीकडे युतीची चर्चा सुरु असतानाच ठाकरे गटाने मात्र माजी नगरसेवकांची बैठक बोलावलीय. त्यामुळे माजी नगरसेवकांच्या बैठकीनंतर युतीची कोंडी फुटणार की तिढा आणखी वाढत जाणार? याकडे राज्याचं लक्ष लागलंय.