Rain Alert : मुंबई, ठाण्यासह राज्यातील 'या' भागात कोसळणार तुफान पाऊस; IMD कडून अलर्ट, वाचा वेदर रिपोर्ट

Rain Alert in Maharashtra : येत्या २४ तासांत मुंबई, ठाणे, पालघरसह अर्ध्या महाराष्ट्रात वादळी वाऱ्यासह अवकाळी पाऊस होईल, असा अंदाज वर्तवण्यात आला आहे. काही ठिकाणी गारपिटही होण्याची शक्यता आहे.
Weather Forecast May 15  2024 IMD Rainfall Alert in Mumbai Thane Pune Nashik
Weather Forecast May 15 2024 IMD Rainfall Alert in Mumbai Thane Pune NashikSaam TV

राज्यातील शेतकऱ्यांची चिंता वाढवणारी बातमी आहे. हवामान खात्याने पुन्हा एकदा राज्यात अवकाळी पावसाचा इशारा दिला आहे. येत्या २४ तासांत मुंबई, ठाणे, पालघरसह अर्ध्या महाराष्ट्रात वादळी वाऱ्यासह अवकाळी पाऊस होईल, असा अंदाज वर्तवण्यात आला आहे. काही ठिकाणी गारपिटही होण्याची शक्यता आहे.

Weather Forecast May 15  2024 IMD Rainfall Alert in Mumbai Thane Pune Nashik
Maharashtra Rain: वादळी वारे अन् तुफान गारपीट, पुणे- सातारा, सांगलीला अवकाळी पावसाने झोडपलं; पाहा VIDEO

मागील तीन ते चार दिवसांपासून राज्यात अवकाळी पावसाने (Heavy Rain) चांगलाच धुमाकूळ घातला आहे. मुंबई, पुणे, ठाणे, पालघरसह अनेक जिल्ह्यांना अवकाळीने झोडपून काढलं आहे. सोसाट्याचा वारा असल्याने अनेक ठिकाणी झाडे उन्मळून पडली.

वाहतुकीचा खोळंबा झाल्यामुळे अनेकांना नाहक मनस्ताप सहन करावा लागला. मुंबईच्या घाटकोपरमध्ये पेट्रोल पंपावर होल्डिंग कोसळून झालेल्या दुर्घटनेत आतापर्यंत १४ जणांचा मृत्यू झालाय. अजूनही जवळपास ४० जणांवर रुग्णालयात उपचार सुरू असून काहींची प्रकृती चिंताजनक आहे.

दरम्यान, हवामान खात्याने पुन्हा एकाद मुंबईसह, ठाणे, नवी मुंबई, पालघरला पावसाचा इशारा (Rain Alert) दिला आहे. रायगड आणि कोकणातील काही भागातही पावसाची शक्यता वर्तवण्यात आली आहे. या परिसरात ताशी ५० ते ६० किमी वेगाने वारे वाहतील, असं हवामान खात्याने सांगितलं आहे.

याशिवाय पुणे, नाशिक, अहमदनगर, कोल्हापूर, सांगली, सोलापूर, सातारा, जिल्ह्यातही पावसाचा अंदाज आहे. विदर्भ मराठवाड्यातही मुसळधार पावसाची शक्यता आहे. छत्रपती संभाजीनगर बीड, जालना, नागपूर, भंडारा, वर्धा, अमरावती, यवतमाळ, गोंदिया, अकोला, वाशिम वादळी वारा अन् मेघगर्जनेसह पावसाचा अंदाज हवामान खात्याने वर्तवला आहे.

Weather Forecast May 15  2024 IMD Rainfall Alert in Mumbai Thane Pune Nashik
Maharashtra Weather News: पुढच्या ४८ तासांत या जिल्ह्यांत मेघगर्जनेसह पडणार मुसळधार पाऊस; हवामान खात्याचा इशारा

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com