Uddhav Thackeay Dasara Melava : 'मी श्वानप्रेमी, पण लांडग्यावर प्रेम करणारा नाही; दसरा मेळाव्यात उद्धव ठाकरेंचा विरोधकांवर हल्लाबोल

मुंबई : माजी मुख्यमंत्री उद्धव ठाकरे यांनी शिवाजी पार्कवर दसरा मेळाव्यात सत्ताधाऱ्यांवर जोरदार टीका केली. उद्धव ठाकरेंनी शिंदे गटावर हल्लाबोल केला. 'मी श्वानप्रेमी आहे, पण लांडग्यावर प्रेम करणारा नाही,असं म्हणत उद्धव ठाकरेंनी शिंदे गटावर जोरदार टीका केली.

उद्धव ठाकरे यांच्या भाषणातील मुद्दे

गेल्या अनेक वर्षांच्या परंपरेप्रमाणे ठाकरे कुटुंबियांनी सुद्धा जी शस्त्रपूजा केली. त्यामध्ये शिवसेनाप्रमुखांचा कुंचला, ज्याने फटकारे मारले ज्याने आपल्या मनगटात चेतना पेटवली. आता मी तुमची पूजा करतोय. तुम्ही माझे शस्त्र आहात. ही लढाई सोपी नाही..

उद्धव ठाकरेंना नेस्तनाबूत करण्याचा मनसुबा आखला. पण तुमचं पाठबळ नसते तर मी आज उभाच राहिलो नसतो. सगळं काही ओरबाडून घेतल्यानंतर तुम्ही उभे राहिलात. त्यांच्या कितीही पिढ्या येऊ द्या.. त्या गाढून भगवा फडकावेन.. आमच्याकडे लढवय्या मन आहे.

दरवर्षी शिवसेनाला अंकूर फुटतोय. आज जे भगवे आहेत, त्याच्या मशाली झाल्या आहेत. इथला प्रत्येक शिवसैनिक बाळासाहेबांची मशाल बनून चूढ लावणार नाही.

रतन टाटांनी काय केलं, त्यांनी अनेक काय केलं.. त्यांनी रोजच्या जेवणातील चव वाचवण्यासाठी मीठ दिलं. पण आताचे उद्योगपती मिठागर गिळत आहेत. जे जायला पाहिजेत, ते जात नाहीत अन् जे जायला नको ते जात आहेत. टाटा गेल्याचं वाइट वाटलं.

मी श्वानप्रेमी आहे, पण लांडग्यावर प्रेम करणारा नाही. हे वाघाचे कातडे अंगावर घेणारे लांडगे आहेत. पण काय काय उघडे पडतेय, हे त्यांना माहीत नाही.