पुण्यातील राजकारण फिरणार; भाजपविरोधात लवकरच 'लेटर बॉम्ब', पत्रात नेमकं कुणाचं नाव?

ठाकरे गटाचे नेते वसंत मोरे यांच्याकडून लवकरच लेटर बॉम्ब पडणार आहे. ठाकरे गटाचे नेते वसंत मोरे यांची ठाकरेंची घेऊन भाजपविरोधात लेटर बॉम्ब टाकणार असल्याचे स्पष्ट केले. यावेळी वसंत मोरे यांच्यासह ठाकरे गटाचे पुणे शहराध्यक्ष प्रमुखांनी उद्धव ठाकरेंची भेट घेतली. पुणे शहरातील विविध विषयांबाबत वसंत मोरे लवकरच 'लेटर बॉम्ब' समोर आणणार आहे.

वसंत मोरे हे ठाकरे गटाचे पुणे शहराचे निवडणूक समन्वयक आहेत. त्यांनी २ दिवसांपूर्वी शहर प्रमुखांसह मुंबईत उद्धव ठाकरे यांची भेट घेतली. यावेळी त्यांनी काही विषय उद्धव ठाकरेंना दिले. माझं त्यावर काम सुरू असून त्याबद्दल मला काही सूचना ठाकरे साहेब दिल्या आहेत. ते झालं की मी लवकरच लेटर बॉम्ब टाकणार असल्याची प्रतिक्रिया वसंत मोरे यांनी दिली.

गेल्या अनेक वर्षांपासून पुणे शहरात भाजपने विकासाच्या नावाखाली कुठलेही कामं केलेली नाहीत. याबाबत एक सविस्तर बाब या "लेटर बॉम्ब" मधून समोर येणार असल्याचं त्यांनी सांगितलं. वसंत मोरे यांच्याकडे पुणे शहराच्या निवडणूक समन्वयकाची जबाबदारी आहे. शिवाय येत्या महापालिका निवडणुकीत वसंत मोरे हे त्यांचे पुत्र प्रतीक मोरे यांना घेऊनही मैदानात उतरणार आहेत.