११ वर्षांआधी केदारनाथमधील पुरात साथ सुटली, कुटुंबीयांकडून प्रतिमात्मक अंत्यसंस्कार; अचानक मनोरुग्णालयातून फोन खणखणला अन्...

सागर आव्हाड, साम टीव्ही

पुणे: एखाद्या चित्रपटात एखादा व्यक्ती मृत पावल्यावर एखाद्या घटनेत तो जिवंत असल्याचं जसं पाहायला मिळतात. तसाच काहीसा प्रकार पुण्यात घडलाय. २०१५ साली केदारनाथमध्ये आलेल्या पुरात अनेक जणांचं मृत्यू झालं होता. अनेक जण वाहून गेले होते. या घटनेत जे वाहून गेले होते त्या नावांमध्ये शिवम देखील एक होता. काही दिवसांच्या शोध मोहिमेनंतर शिवमची माहिती मिळाली नाही म्हणून त्याच्या घरच्यांनी देखील तो मृत झाल्याचं समजत त्याचं प्रतिकात्मक अंत्यसंस्कार केलं. पण काही वर्षानंतर हा शिवम पुण्यात आढळून आलाय. पुण्यातील प्रादेशिक मनोरुग्णालयकडून प्रथमच बंदी मनोरुग्नाचे कौटुंबीक पुनर्वसन करण्यात आलं आहे.

२०१५ मध्ये केदारनाथ येथे आलेल्या पुरात अनेक जणांचं मृत्यू झालं होता. अनेक जण बेपत्ता झाले होते. या घटनेत जे बेपत्ता झालेल्या लोकांमध्ये शिवम देखील एक होता. काही दिवसांच्या शोध मोहिमेनंतर शिवमची माहिती मिळाली नाही. त्यामुळे त्याच्या घरच्यांनी तो मृत झाल्याचं समजत त्याचे प्रतिकात्मक अंत्यसंस्कार केले.

काही वर्षांनी राज्यातील संभाजीनगर एका चोरीच्या घटनेत एका आरोपीला अटक करण्यात आली. त्या आरोपींनी शिवमचं देखील नाव घेतलं. या प्रकरणी आरोपी शिवमला न्यायालयात हजर केल्यावर त्याला मानसिक आजार असल्याचं समोर आलं. त्यानंतर त्याला पुण्यातील प्रादेशिक रुग्णालयात दाखल करण्यात आलं. त्याच्यावर दोन वर्ष उपचार आणि कायदेशीर लढ्यानंतर त्याचं कौटुंबीक पुनर्वसन करण्यात आलं आहे.

येरवडा प्रादेशिक मनोरुग्णालयाचे अधीक्षक डॉ. श्रीनिवास कोलोड यांनी माहिती दिली की, प्रादेशिक मनोरुग्णालय, पुणे येथे प्रथमच बंदी मनोरुग्ण अनोळखी शिवम नावाचा बंदी संभाजी नगर येथून २७ ऑक्टोबर २०२१ साली मानसिक आजरावरील उपचारासाठी दाखल झाल होता. या बंदी मनोरुग्ण यांच्यावर भारतीय दंड सहिता अंतर्गत २९५ हा गुन्हा नोंद होता. या गुन्ह्यानुसार धार्मिक भावना दुखावने या प्रकारचा गुन्हा प्रकार आहे. हा रुग्ण उपचाराबरोबर गुन्ह्यानुसार शिक्षा पण भोगत होता'.

रुग्ण शिवम हा पहाड़ी हिंदी भाषिक होता. त्यांच्या सोबत बोलताना भाषेची अडचण येत होती. तेव्हा रोहिणी भोसले यांनी त्याना त्यांच्या शिक्षण या विषयात माहिती विचारता त्याने शिक्षण हे प्रेम विद्यालय, रूरकी गाव, हरिद्वार असं त्याने तुकड्यामध्ये माहिती दिली. त्यानुसार रोहिणी भोसले यांनी गुगल सर्च इंजिनच्या मदतीने गावाचा शोध लावला. त्याच्या गावातील पोलीस स्टेशनचा नंबर आणि पत्ता मिळाला. रोहिणी भोसले यांनी संबधित पोलीस स्टेशन येथे फोन, व्हिडिओ कॉलद्वारे आणि पत्र पाठवून संपर्क साधला. त्यानंतर दोन दिवसात रुग्णाच्या नातेवाईकांचा शोध लागला.

तत्पूर्वी, चौकशीदरम्यान शिवमला नाव विचारल्यावर ओम नम:शिवाय म्हणायचा. तो कोणत्याही प्रश्नाला उत्तर देताना ओम नमः शिवाय बोलायचा. त्याच्याशी एकदम शांतपणे विचारल्यानंतर त्याने त्याची वैयक्तिक माहिती सांगितली. केदारनाथ पुरात हरवलेला शिवम दहा वर्षांनंतर मनोरुग्णालयात सापडला. शिवम सापडल्याने त्याचे कुटुंबीय आनंदात आहेत.