Kasara Ghat Accident News : कसारा घाटात 300 फूट दरीत मालवाहतुक गाडी काेसळली, दाेन ठार

- फय्याज शेख

Shahapur News : कसारा घाटात बुधवारी रात्रीच्या सुमारास 300 फूट खाेल दरीत मालवाहतुक काेसळून चालकासह अन्य एकाचा मृत्यू झाला. या अपघाताची माहिती कळताच आपत्ती व्यवस्थापन विभागाच्या सदस्यांनी घटनास्थळी धाव घेतली हाेती. आज सकाळी पुन्हा अपघातग्रस्तस्थळी पाेलीसांनी अपघातग्रस्त भागाची पाहणी केली.  (Maharashtra News)

या अपघाताबाबत घटनास्थळावरुन आणि पाेलीसांकडून मिळालेल्या प्राथमिक माहितीनूसार शहापूर तालुक्यातील कसारा घाटात मुंबईहून नाशिकच्या दिशेने जात असलेल्या मालवाहतुकीची गाडी कसारा घाटतील हिवाळा ब्रिज जवळ चालकाचा नियंत्रण सुटल्याने 300 फुट दरीत कोसळली.

या अपघातामधील (accident) चालकाचा मृतदेह आपत्ती व्यवस्थापन सदस्यांच्या मदतीने पाेलीसांनी दरीतून बाहेर काढला. त्यानंतर आज सकाळी आणखी एकाचा मृतदेह दरीतून बाहेर काढण्यात पाेलीसांना यश आले आहे.

दरम्यान आपत्ती व्यवस्थापन विभागाचे सदस्यांसमवेत कसारा पोलिस दरीत उतरले आहेत. ते आणखी काही जण या अपघातामुळे जखमी किंवा मृत्यूमुखी पडले आहेत का याचा तपास करीत आहेत.

Edited By : Siddharth Latkar