>> अक्षय बडवे
Truck-Private Bus Accident In Pune : पुणे-बेंगलोर महामार्गावर मध्यरात्री ट्रक आणि खासगी बसचा भीषण अपघात झाला आहे. या अपघातात ४ जणांचा मृत्यू झाला तर १८ प्रवासी गंभीर जखमी असल्याची माहिती मिळतेय. मध्यरात्री दोन वाजण्याच्या सुमारास मुंबई-बेंगलोर महामार्गावरील नऱ्हे आंबेगाव परिसरातील स्वामी नारायण मंदिराजवळ ही घटना घडली.
अपघातग्रस्त बस ही खासगी कंपनी निता ट्रॅव्हल्सची असून ती रात्री प्रवाशांना घेऊन कोल्हापूर ते डोंबिवली असा प्रवास करीत होती. तसेच ज्या ट्रकने बसला धडक दिली तो मालवाहतूक करणारा मोठा ट्रक होता. या ट्रकमध्ये साखरेचे पोती भरलेली होती.
घटनेची माहिती मिळताच या अपघात स्थळी रेस्क्यू टीम दाखल झाल्या आणि बचावकार्य सुरू केले. या अपघातात (Pune Accident) जखमी अवस्थेत असलेल्या एकूण १८ प्रवाशांना पुणे व पीएमआरडीए अग्निशमन दलाच्या जवानांनी तात्काळ नजीकच्या रुग्णालयात उपचारासाठी दाखल केले.
मिळालेल्या माहितीनुसार ट्रकने खाजगी ट्रॅव्हलच्या बसला पाठीमागून धडक (Bus Accident) दिल्याने हा अपघात झाला. ही बस साताऱ्याकडून मुंबईकडे जात असताना ट्रकने मागून धडक दिली. ट्रकचालकाचे ट्रकवरील नियंत्रण सुटल्याने हा अपघात (Accident News) झाल्याची प्रथमिक माहिती समोर येत आहे. या भीषण अपघातात ट्रक चालकाचा देखील मृत्यू झाला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
