Pune News: डॉ. बाबासाहेब आंबेडकर जंयतीनिमित्त पुण्यात वाहतूकीत बदल; कोणते मार्ग बंद, कोणते सुरू? वाचा सविस्तर

भारतरत्न डॉ. बाबासाहेब आंबेडकर यांची जयंती १४ एप्रिल रोजी उत्साहात साजरी केली जाणार आहे. या जयंतीनिमित्त पुणे शहरातील विविध भागातून भव्यदिव्य रॅली काढली जाते. तसेच मिरवणुकाही काढल्या जातात. डॉ. बाबासाहेब यांना अभिवादन करण्यासाठी नागरिकांचीही गर्दी जमते. याच पार्श्वभूमीवर वाहतूक सुरळीत आणि सुरक्षित राहावी, वाहतूकीमुळे कुठेही गोंधळ होऊ नये, यासाठी पुणे वाहतूक पोलीस विभागाकडून तात्पुरते मार्गबदल तसेच पार्किंग निर्बंध लागू करण्यात आले आहेत.

मुख्य मार्गावरील वाहतूक बदल पुढीलप्रमाणे असतील..

पुण्यातील शाहिर अमर शेख चौक, आरटीओ चौक, पुणे स्टेशन चौक, जीपीओ चौक, नरपतगिरी चौक, बॅनर्जी चौक येथे वाहतूक वळविण्यात येणार आहे. नागरिकांनी पर्यायी मार्गांचा वापर करावा, असे आवाहन पुणे वाहतूक पोलिसांनी नागरिकांनी केले आहेत.

पार्किंग सुविधा

आरटीओ शेजारील एसएसपीएमएस मैदान.

तुकाराम शिंदे पार्किंग, पुणे स्टेशन.

ससून कॉलनी.

तसेच डॉ. कोयाजी रोड, ईस्कॉन मंदिर चौक, नाझ चौक येथील वळविण्यात येणार आहे.

पार्किंगची ठिकाणे

वाहनधारक आपली वाहने:

तारापोर रोड.

ईस्ट स्ट्रीट.

पे अँड पार्कची जागा.

विश्रांतवाडी परिसर

विश्रांतवाडी चौक, बोपखेल दिघी, भोसरी आळंदी आणि टिंगरेनगरकडे जाणाऱ्या अन् येणाऱ्या वाहनांसाठी वेगवेगळ्या मार्गांची आखणी. या ठिकाणी दुपारी ३ वाजल्यापासून निर्बंध लागू होतील.

दांडेकर पूल परिसर

स्वारगेट, सेनादत्त चौक, आशा हॉटेल चौक, मांगीरबाबा चौक याठिकाणी वाहतूक वळविली जाणार आहे.

बाजीरा रोड आणि गणेश रोड

पुरम चौक, लाल महाल चौक आणि लक्ष्मी रोडच्या दिशेने जाणाऱ्या मार्गांवर आवश्यकता भासल्यास वाहतूक बंदी केली जाणार आहे.

निर्बंध लागू होण्याची वेळ

१४ एप्रिल रोजी सकाळी ६ वाजल्यापासून मिरवणुका आणि गर्दी संपेपर्यंत वरील सर्व मार्गावर लागू राहिल. विश्रांतवाडीत मात्र दुपारी ३ वाजल्यापासून निर्बंध असणार आहे.