टिटवाळा : किरकोळ कारणावरुन काही तरुणांमध्ये हाणामारी झाली असून यात एका तरुणाच्या डोक्यात दगड घातल्याची घटना टिटवाळा (Titwala) जवळील खडवली परिसरात घडली आहे. दरम्यान मारहाणीचा व्हिडिओ सोशल मीडियावर व्हायरल झाला असून या घटनेची टिटवाळा पोलिस ठाण्यात नोंद करण्यात आली आहे. (Titwala Viral Video Latest News)
गेल्या दोन दिवसात टिटवाळा, कल्याण (Kalyan) आणि आजूबाजूच्या परिसरात सोशल मीडियावर एक व्हिडिओ चांगलाच व्हायरल झाला होता. या व्हिडिओमध्ये (Video) काही तरुण आपापसात भांडत होते. भांडणादरम्यान एका तरुणाने दुसऱ्या तरुणाला खाली पाडले व दुसऱ्या तरुणाने या तरुणाच्या डोक्यात दगड घातला. या प्रकरणी टिटवाळा पोलिस ठाण्यात कोणतीही तक्रार आली नव्हती.
मात्र, सोशल मीडियावर (Social Media) व्हिडिओ व्हायरल झाल्याने या व्हिडिओच्या आधारे टिटवाळा पोलिसांनी तपास सुरू केला. सदर घटना खडवली नदीच्या परिसरात घडल्याची माहिती पोलिसांना मिळाली. मात्र, हे तरुण कोण आहेत याचा शोध घेण्याचे आव्हान पोलिसांसमोर होते. पोलिसांनी या तरुणाचा शोध सुरू केला. या घटनेत जखमी तरुण उमेश पाटील हा भिवंडी येथे राहणारा आहे.
तो खडवली नदी परिसरात आपला काही मित्रांसोबत फिरण्यासाठी आला होता. यावेळी त्याचा काही तरुणांसोबत वाद झाला. या तरुणांनी उमेशला बेदम मारहाण केली. त्यानंतर एका तरुणाने त्याच्या डोक्यात दगड घातला. उमेश पाटील याच्यावर एका खाजगी रुग्णालयात उपचार सुरु आहेत. टिटवाळा पोलिसांनी या प्रकरणी गुन्हा दाखल करत मारहाण करणाऱ्या दोघांना ताब्यात घेत पुढील तपास सुरू केला आहे.
Edited By : Krushnarav Sathe
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
