Heart Attack Major Reason: आजकालच्या धावपळीच्या जगात अलीकडे तरुण-तरुणींना हृदयविकाराचा झटका येऊन मृत्यू होण्याचे प्रमाण वाढले आहे. कोरोना लसीमुळे हृदयविकाराचा झटका येण्याचा प्रमाण वाढलं असं मध्यंतरी दावा करण्यात येत होता. मात्र, हा दावा आयसीएमआर अर्थात इंडियन इन्स्टिट्यूट ऑफ मेडिकल रिसर्चने खोडून काढला आहे.
कोरोना लसीमुळे (Corona Vaccine) नाही, तर लॅक ऑफ फिजिकल अॅक्टिव्हिटीमुळे लोकांना हृदयविकाराचा झटका येण्याचं प्रमाण वाढलं आहे, असा दावा स्वतः आयसीएमआरने केला आहे. लॉकडाऊनमध्ये बदललेली जीवनशैली आणि व्यायामाचा अभाव यामुळे लोकांना हहृदय विकाराचा झटका येत असल्याचं आयसीएमआरने सांगितलं आहे.
ज्या लोकांना हार्ट अटॅकचा (Heart Attack) झटका आला अशा लोकांच्या शवविच्छेदन अहवालाचा अभ्यास आयसीएमआरने केला. अलीकडे ज्या लोकांचा हार्ट अटॅकमुळे मृत्यू झाला, असे लोक कोरोना काळात बरेच दिवस रुग्णालयात दाखल होते.
तसेच त्यांच्यामध्ये फिजिकल अँक्टिव्हिटीचा मोठ्या प्रमाणात अभाव होता, असा दावा वैद्यकीय क्षेत्रातील तज्ञांनी केला आहे. दरम्यान, काही लोकांना जीममध्ये व्यायाम करत असताना, तर काही लोकांचा खेळताना हार्ट अटॅक येऊन मृत्यू झाल्याच्या घटना घडल्या.
यावरही देखील आयसीएमआरने स्पष्टीकरण दिलं आहे. जिममध्ये वर्कआउट करून हृदय विकराचा झटका येत नाही. तर फिजिकल अॅक्टिव्हिटी कमी केल्याने हृदयविकाराचा झटका येण्याचं धोका वाढतो. असा दावा हसल जिमचे फाउंडर तसेच फिटनेस ट्रेनर आशिष शशिकांत जाधव यांनी केला आहे.
देशात कोरोना महामारीचा (Corona Virus) प्रसार झाल्यानंतर अनेकांनी आपले जीवन जगण्याची शैली बदलली. काही जणांनी आपल्या आहारात बदल केला. तर काहींनी फिटनेसकडे दुर्लक्ष केलं. कोरोनामुळे बदल झालेल्या जीवनशैलीत स्वत:ला फिट आणि तंदुरूस्त ठेवण्यासाठी योग्य प्रमाणात आहार आणि शरीराची कसरत करणे गरजेचे आहे.
Edited by - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.